U Minsku pabudujuć novy korpus dla haradskoha ankałahičnaha centra. Ciapier na tym miescy — zakinutaja balnica
V Minsku pabudujuć novy sučasny korpus dla haradskoha ankałahičnaha centra, dzie buduć adździaleńni miedycynskaj reabilitacyi i reanimacyi. Jon raźmieścicca pa adrasie Pietrusia Broŭki, 5. Pra heta raskazała ahienctvu «Minsk-Naviny» namieśnica hałoŭnaha doktara pa miedycynskaj ekśpiertyzie i reabilitacyi Iryna Majsievič.
Ciapier iduć padrychtoŭčyja raboty pierad prajektavańniem novaha budynka. U im budzie 200 łožkaŭ dla rańniaj i poźniaj reabilitacyi pacyjentaŭ, a taksama šeść miescaŭ u reanimacyi.
Iryna Majsievič patłumačyła, što ŭ centry ŭžo jość adździaleńnie miedycynskaj reabilitacyi, dzie adnačasova lečacca 30 čałaviek. Rańniaja reabilitacyja pačynajecca adrazu paśla prachodžańnia pramianiovaj abo chimijaterapii, kab dapamahčy arhanizmu adnavić svaje funkcyi i papiaredzić uskładnieńni.
Bolšaść ankałahičnych pacyjentaŭ majuć patrebu ŭ takoj reabilitacyi — niekatoryja ŭ stacyjanary, inšyja ambułatorna. Spačatku pacyjenty kansultujucca ŭ doktara-reabilitołaha, paśla atrymlivajuć lačeńnie ŭ paliklinicy. Poźniaja reabilitacyja patrebna, naprykład, žančynam ź limfastazam paśla lačeńnia raku małočnaj załozy.
Ciapier pa zhadanym adrasie Pietrusia Broŭki, 5 znachodzicca budynak zakinutaj balnicy, nahadvaje vydańnie Blizko.by. Jana była pabudavanaja jašče da vajny pa prajekcie viadomaha architektara Hieorhija Łaŭrova.
Z 1975 pa 2004 hod tut pracavała dziciačaja abłasnaja balnica. Paśla vialikaha pažaru na vierchnim paviersie budynak evakujavali, a miedycynskija prybory i abstalavańnie zastalisia ŭsiaredzinie i pastupova byli razrabavanyja.
Tut časta žyli biazdomnyja, jakija ŭ 2009 hodzie taksama spravakavali pažar. Niahledziačy na toje, što vokny i dźviery zakryvali mietałam, ludzi znachodzili patajemnyja šlachi ŭsiaredzinu praz padvał i haryšča, tamu budynak praciahvaŭ razburacca.
U 2007 hodzie raspracavali prajekt rekanstrukcyi budynka, praz try hady paśla taho, jak balnica była pakinutaja. Zamoŭcam vystupała kiravańnie kapitalnaha budaŭnictva Minskaha abłvykankama. U 2010 hodzie abrali padradčyka i padličyli košt restaŭracyi — kala 60 miljardaŭ niedenaminavanych rubloŭ, što prykładna było roŭna 20 miljonam dołaraŭ.
U 2019 hodzie prajekt rekanstrukcyi ŭklučyli ŭ inviestycyjnuju prahramu Minska ź finansavańniem z haradskoha biudžetu, ale raboty tak i nie pačalisia.
19 sakavika 2019 hoda Ministerstva kultury vyklučyła hety budynak ź dziaržaŭnaha śpisu historyka-kulturnych kaštoŭnaściaŭ Biełarusi.
Ciapier čytajuć
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary