Śviatłanu Cichanoŭskuju zarehistravali, u adroźnieńnie ad Babaryki
Centrvybarkam pa prapanovie Lidzii Jarmošynaj zarehistravaŭ Śviatłanu Cichanoŭskuju kandydatam u prezidenty Biełarusi.
U adroźnieńnie ad Babaryki i Capkały, vybarčyja kamisii nie zabrakavali podpisaŭ, pastaŭlenych za Cichanoŭskuju. Zatoje pytańnie ŭźnikła da doma Homielskaj vobłaści. Dom, kupleny praz aŭkcyjon, nie byŭ zadekłaravany. Cichanoŭskaja skazała, što kali padavała dekłaracyju, nie viedała, ci zavieršana ŭhoda. Členy CVK udavali rozdumy nakont taho, ci dastatkova značnaje heta parušeńnie, ale ad pačatku było vidavočna, što ŭ vypadku Cichanoŭskaj rašeńnie ab rehistracyi pradvyznačanaje.
U svaim słovie Cichanoŭskaja była ścisłaja, havaryła jana niaŭpeŭniena.
«U nas byŭ vielmi ciažki miesiac», — skazała Cichanoŭskaja. Jana padziakavała Andreju Dźmitryjevu za dobryja słovy ŭ padtrymku palitviaźniaŭ.
«Ja spadziajusia na pieramieny», — skazała jana ŭ zaviaršeńnie.
Takim čynam, kandydatami zarehistravanyja Hanna Kanapackaja, Andrej Dźmitryjeŭ, Siarhiej Čeračań, Śviatłana Cichanoŭskaja i Alaksandr Łukašenka.
Viktar Babaryka i Valer Capkała nie zarehistravanyja.
Kamientary