Nashaniva.by atrymała list-patrabavańnie ad Ministerstva infarmacyi
Redakcyja sajta Nashaniva.by atrymała list ad Ministerstva infarmacyi.
Viedamstva patrabuje vydalić artykuł pra pierapisku minčanki Natalli Muchamad z Administracyjaj prezidenta. U adpaviednaści z zakonam «Ab ŚMI» i źmiestam lista materyjał pavinien być vydaleny na praciahu 24 hadzin.
Nahadajem, u zakrytym jurydyčnym čacie byŭ apublikavany adkaz na nibyta skarhu, dasłanuju ŭ Administracyju prezidenta. Žančyna, jakaja jaho vystaviła, tłumačyła, što adpraŭnica — jaje siabroŭka Natalla Muchamad, niezadavolenaja niespraviadlivym sudovym rašeńniem. Sama adpraŭnica admoviłasia razmaŭlać z karespandentam «Našaj Nivy». Praź niekalki dzion Natalla ŭsio ž źviazałasia z Redakcyjaj i zajaviła, što nasamreč adpraŭlała ŭ Administracyju prezidenta kamplimienty Alaksandru Łukašenku.
U adpaviednaści z zakonam «Ab zvarotach hramadzian» na listy, u jakich niama nijakich zaŭvah, a tolki padziaka, adkazvać nie treba. Tym nie mienš Natalla Muchamad atrymała aficyjny adkaz.
Čytajcie taksama: Pamiatajecie dziŭny adkaz z Administracyi prezidenta? Atrymalnica pierakonvaje, što nasamreč dasyłała kamplimienty Łukašenku
«Raźmiaščeńnie takoj niedakładnaj infarmacyi pryvodzić da ŭščamleńnia kanstytucyjnaha prava hramadzian na atrymańnie, zachoŭvańnie i raspaŭsiud poŭnaj, dakładnaj i svoječasovaj infarmacyi, spryjaje štučnamu nahniatańniu napružanaści ŭ hramadstvie, a taksama padryvaje aŭtarytet orhanaŭ dziaržaŭnaha kiravańnia, spryjaje farmiravańniu niehatyŭnaha mierkavańnia ab prymanych mierach pry razhladzie zvarotaŭ hramadzian i, jak śledstva, nanosić škodu dziaržaŭnym i hramadskim intaresam», — havorycca ŭ liście Ministerstva infarmacyi.
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna30
Kamientary