Hałoŭnym śledčym upraŭleńniem centralnaha aparata SK u dačynieńni da Siarhieja Cichanoŭskaha raspačaty šerah kryminalnych spraŭ, adznačajecca ŭ pres-relizie.
Tak, u dačynieńni da jaho zaviedziena kryminalnaja sprava pa č. 3 art. 130 Kryminalnaha kodeksa Respubliki Biełaruś pa faktach ździajśnieńnia naŭmysnych dziejańniaŭ, nakiravanych na raspalvańnie inšaj sacyjalnaj varožaści, zaklikaŭ da ździajśnieńnia hvałtoŭna-ahresiŭnych dziejańniaŭ u adnosinach da supracoŭnikaŭ pravaachoŭnych orhanaŭ [da 12 hadoŭ źniavoleńnia].
Akramia taho, u dačynieńni da M. Statkieviča, S. Cichanoŭskaha i inšych asob raspačata kryminalnaja sprava pa fakcie padrychtoŭki da masavych biesparadkaŭ pa art. 13 č. 2 art. 293 Kryminalnaha kodeksa Respubliki Biełaruś.
Taksama SK paviedamlaje, što ŭčora pa vynikach pravierki apieratyŭnaj infarmacyi, jakaja pastupiła ad śpiecsłužbaŭ, pa padazreńni ŭ ździajśnieńni nazvanaha złačynstva byli zatrymanyja 33 hramadzianiny Rasijskaj Fiederacyi, supracoŭniki PVK «Vahniera», jakija pražyvali na terytoryi sanatoryja «Biełarusačka» ŭ Minskim rajonie.
Vyrašajecca pytańnie ab prymianieńni da ich miery strymańnia ŭ vyhladzie zaklučeńnia pad vartu.
Praciahvajecca praviadzieńnie śledčych dziejańniaŭ i apieratyŭna-vyšukovych mierapryjemstvaŭ, nakiravanych na ŭstanaŭleńnie asob, jakija majuć dačynieńnie da padrychtoŭki i arhanizacyi masavych biesparadkaŭ na terytoryi krainy, havorycca ŭ pres-relizie.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
Kamientary