Mahiloŭskich dziaciej, jakija pakazali siarednija palcy salutu, advieźli na miemaryjał i prymusili hladzieć «Idzi i hladzi»
Napiaredadni siłaviki zajavili, što baćki dziaciej buduć pakaranyja. A samich udzielnic videa ŭ niadzielu zavieźli ŭ miemaryjalny kompleks u Borkach.
Dla mahiloŭskich padletkaŭ, jakija pakazali siarednija palcy salutu na 9 traŭnia, praviali «Urok pamiaci». U niadzielu dziaŭčat zavieźli ŭ miemaryjalny kompleks u vioscy Barki, pryśviečany pamiaci spalenych viosak.
Dla školnic praviali ekskursiju pa kompleksie, jany ŭskłali kvietki, paśla čaho ich pasadzili hladzieć frahmienty filma «Idzi i hladzi» Elema Klimava. Akramia taho, im pračytaŭ lekcyju śviatar BPC Sierhij Łabada.
Hrupa padletkaŭ pakazała siarednija palcy salutu 9 maja ŭ Mahilovie i vykłała videa ŭ internet. Na nastupny dzień siłaviki zajavili, što znajšli dziaciej.
Jak śćviardžałasia, u kadr trapili 6 dziaŭčynak ad 13 da 15 hadoŭ z roznych škoł horada i rajona. Siabrovak zdymaŭ 13-hadovy chłopiec.
Niepaŭnaletnich pastaviać na prafiłaktyčny ŭlik, a tych ź ich, jakija dasiahnuli 14 hadoŭ, jašče i pryciahnuć da administracyjnaj adkaznaści za drobnaje chulihanstva.
Baćkam padletkaŭ pahražajuć štrafy «za nievykanańnie abaviazkaŭ pa vychavańni dziaciej i abaviazkaŭ pa supravadžeńni niepaŭnaletniaha va ŭzroście da šasnaccaci hadoŭ paśla 23:00».
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy4
Kamientary
Vot jeśli by oni s płakatami stojali "niet vojnie", a faki pokazyvať salutu v tiktokie eto, k sožaleniju, 0 uma.