Kidali kamiani ŭ śpiectranspart. Dvuch niepaŭnaletnich z Mazyra buduć sudzić za «masavyja biesparadki»
U Mazyry 17-hadovyja chłopcy padčas pratesnaj akcyi pahražali milicyjantam i kidali kamiani ŭ hruzavy vajskovy aŭtamabil. Ciapier ich abvinavačvajuć u arhanizacyi hrupavych dziejańniaŭ, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady, paviedamlaje Tut.by sa spasyłkaj na pres-słužbu Hienprakuratury.
Zhodna z materyjałami spravy, dvoje 17-hadovych padletkaŭ, kala adnoj z kram u Mazyry padčas pratestnaj akcyi ź inšymi ŭdzielnikami nie padparadkavalisia patrabavańniam milicyi, «paśla čaho stali pahražać i zaklikać da hvałtu ŭ dačynieńni da milicyjantaŭ».
Paśla hetaha chłopcy stali kidać kamiani ŭ bok prypynku, kala jakoha stajaŭ śpiecyjalny hruzavy aŭtamabil MAZ, jaki naležyć vajskovaj čaści 5525. Kamiani paškodzili vietravoje škło i kuzaŭ śpiectranspartu. Škoda skłała 160 rubloŭ.
U prakuratury paličyli, što abvinavačvańnie pa č. 1 art. 342 (arhanizacyja hrupavych dziejańniaŭ, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady) KK Biełarusi, abhruntavana i nakiravali spravu ŭ sud.
U dadzieny momant chłopcy znachodziacca pad chatnim aryštam.
Kamientary