Kupałaŭcy siońnia prezientujuć novuju pastanoŭku. Pośpiech da tvora pryjšoŭ praz 100 hadoŭ
Niezaležnaja teatralnaja hrupa «Kupałaŭcy» siońnia prezientuje novuju pastanoŭku.
«Heta byŭ niaprosty dla nas hod, ale skončyć jaho my chočam ź iskrynkaj uvačču, połymiem u sercy i z premjeraj na jutubie», — havorać aktory.
«My znoŭ źviarnuli ŭvahu na pjesu niamieckaha dramaturha Hieorha Biuchnera «Vojcek». Siońnia my prapanujem vam vybranyja sceny z pjesy i spadziajomsia, što heta stanie prałoham da bolš maštabnaha teatralnaha prajekta.
Hieorh Biuchnier napisaŭ svaju samuju słavutuju pjesu «Vojcek» u 1837 hodzie, ale pośpiech da tvora pryjšoŭ tolki ŭ XX stahodździ, jakoje vyzvaliła jaho absurd, nievierahodnuju ekspresiju i vostruju ekzistencyjalnuju prablematyku.
Chto taki Vojcek? Franc Vojcek — patulny, jak cialo, sałdat. Słužyć jon addana i pahadžajecca na ŭsio: na sumnieŭnyja ekśpierymienty šarłatana-doktara, na paproki durnavataha kapitana, na kpiny i źniavahi. Aby prynieści hrošaj svajoj kachanaj Maryi i prabavić volnuju chvilinu nad kałyskaj syna. Adnak padziei pastupova vychodziać z-pad jaho i tak słaboha kantrolu.
Režysior pastanoŭki Raman Padalaka zaznačaje: «Tekst pjesy davoli składany i nie adrazu možna znajści da jaho klučyk. Dla mianie heta historyja prostaha, maleńkaha čałavieka, jaki nie byŭ narodžany zabojcam, ros słaŭnym dzicionkam. Ale sistema pastupova padbirajecca i da jaho dy žorstka niščyć samaje dobraje, što zastałosia ŭ jahonaj dušy. U vyniku Vojcek zabivaje samaha blizkaha čałavieka. Zabivaje ŭsio čałaviečnaje ŭ sabie».
30 śniežnia a 19:00 my budziem čakać vas na našym jutub-kanale!
Praciahłaść śpiektakla — 50 chvilin.
Dostup da śpiektakla «Vojcek. Sceny» budzie adkryty z 19:00 da 24:00 30 śniežnia. Nastupny pakaz adbudziecca 20 studzienia 2021 hoda.
Nahadajem, što ŭ kastryčniku Kupałaŭcy prezientavali anłajn novuju viersiju «Tutejšych». Śpiektakl u internecie pahladzieli sotni tysiač čałaviek.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary