Były hubiernatar Kalifornii, respublikaniec, akcior Arnold Švarcenehier zapisaŭ videazvarot. Jon raskrytykavaŭ dziejańni Donalda Trampa, jaki admaŭlajecca pryznavać parazu na vybarach, paviedamlaje meduza.io.
U pačatku pramovy Švarcenehier nahadaŭ, što naradziŭsia ŭ Aŭstryi ŭsiaho praz dva hady paśla skančeńnia Druhoj suśvietnaj vajny — i ŭ dziacinstvie byŭ atočany «złamanymi ludźmi, jakija sprabavali z dapamohaj ałkaholu zmahacca z pačućciom viny za dačynieńnie da najluciejšaha režymu ŭ historyi».
My message to my fellow Americans and friends around the world following this week's attack on the Capitol. pic.twitter.com/blOy35LWJ5
«Ja nikoli nie kazaŭ ab hetym publična, tamu što heta balučyja ŭspaminy. Moj baćka adzin-dva razy na tydzień prychodziŭ dadomu pjany — jon kryčaŭ i biŭ nas z maci. Ale ja nie ŭskładaju ŭsiu adkaznaść za heta asabista na jaho, tamu što toje ž samaje sa svajoj siamjoj rabiŭ naš susied. I jaho susied — i hetak dalej».
Pa słovach Švarcenehiera, takija pavodziny byli abumoŭlenyja dušeŭnymi traŭmami. A sami traŭmy — vyklikanyja ŭspaminami ab tym, što hetyja ludzi bačyli ci rabili ŭ časy nacysckaha režymu, jaki «pačynaŭsia z chłuśni i nieciarpimaści».
Zaraz z dapamohaj takoj samaj chłuśni, zajaviŭ akcior, źbiraje svaich prychilnikaŭ Donald Tramp, jaki admaŭlajecca pryznavać vyniki sumlennych vybaraŭ: «Jon sprabavaŭ ździejśnić pieravarot, pavioŭšy za saboj ludziej z dapamohaj chłuśni. Majho baćku i jaho susiedziaŭ taksama viali niasłušnym šlacham z dapamohaj chłuśni, i ja viedaju, kudy pryvodzić takaja chłuśnia».
Švarcenehier nazvaŭ Trampa «horšym prezidentam u historyi» i skazaŭ, što nieŭzabavie toj budzie zabyty «jak nierelevantny tvit», a sami ZŠA vyjduć ź ciapierašniaha kryzisu bolš mocnymi — jak rycarski mieč, jaki stanovicca tolki lepš paśla zahartoŭki. Razvažajučy pra heta, akcior dastaŭ mieč Konana-varvara i pakazaŭ jaho ŭ kamieru.
Na dumku Švarcenehiera, niahledziačy na palityčnyja roznahałośsi, usie žychary ZŠA pavinny stavić demakratyju i jaje pryncypy na pieršaje miesca. Tamu ciapier im nieabchodna vykazać padtrymku abranamu prezidentu Džo Bajdenu.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary