U FBR ličać, što ultrapravyja chacieli trapić na inaŭhuracyju Bajdena pad vyhladam vajskoŭcaŭ
Jak paviedamiła ŭ paniadziełak hazieta The Washington Post, niekatoryja vyvučali kartu patencyjna ŭraźlivych miescaŭ u Vašynhtonie.
Fiederalnaje biuro rasśledavańniaŭ (FBR) ZŠA papiaredziła pravaachoŭnyja orhany ab tym, što pradstaŭniki ultrapravych ruchaŭ mieli namier praniknuć na cyrymoniju inaŭhuracyi abranaha prezidenta Džozefa Bajdena pad vyhladam vajskoŭcaŭ Nacyjanalnaj hvardyi. Jak paviedamiła ŭ paniadziełak hazieta The Washington Post, niekatoryja vyvučali kartu patencyjna ŭraźlivych miescaŭ u Vašynhtonie.
U dakumiencie śpiecsłužby, jaki ŭjaŭlaje saboj abahulnieńnie vyjaŭlenych pahroz, adznačajecca, što jak adzinočki, tak i ŭdzielniki ekstremisckich hrup, u tym liku tych, što šturmavali Kanhres 6 studzienia, płanujuć prybyć u Vašynhton na cyrymoniju 20 studzienia. FBR źviarnuła ŭvahu, što ŭ internecie vialisia zahruzka i abmien kartami ŭraźlivych miescaŭ staličnaj akruhi Kałumbija.
Razam z tym jakich-niebudź kankretnych śviedčańniaŭ zmovy z metaj pieraškodzić inaŭhuracyjnym mierapryjemstvam, padobnaj da padziej 6 studzienia, nie vyjaŭlena, piša vydańnie.
Kampietentnyja orhany ZŠA ŭžyvajuć pavyšanyja miery biaśpieki ŭ Vašynhtonie napiaredadni inaŭhuracyi Bajdena. Značnaja častka centra horada, prylehłaja da Biełaha doma i Kanhresa, zakryta dla ruchu aŭtatranspartu. Kapitalijski pahorak ačepleny, dopusku tudy ŭžo niekalki dzion dla šyrokaj hramadskaści niama.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary