AAC unios źmieny ŭ sumiesnuju pastanovu ź Minsuviazi i Mininfarmam, jakoj zaćvierdžana Pałažeńnie ab paradku abmiežavańnia (adnaŭleńnia) dostupu da internet-resursu. Ciapier u Biełarusi buduć błakavać «kopii internet-resursaŭ».
Na heta źviarnuła ŭvahu vydańnie reform.by, piša Tut.by.
Pastanova № 2/6/2 ad 25 sakavika 2021 hoda apublikavana na Nacyjanalnym pravavym internet-partale i ŭstupaje ŭ siłu paśla aficyjnaha apublikavańnia.
Siarod inšaha ŭ dakumiencie źjaviłasia nastupnaja fraza: «kopija internet-resursu — internet-resurs, padobny da stupieni źmiešvańnia ź internet-resursam, dostup da jakoha abmiežavany».
I zatym adznačajecca, što ciapier Ministerstva infarmacyi pry vyjaŭleńni kopii internet-resursu budzie nakiroŭvać apaviaščeńnie ŭ Dziaržaŭnuju inśpiekcyju elektrasuviazi Minsuviazi «dla ŭklučeńnia adpaviednaha identyfikatara internet-resursu ŭ śpis abmiežavanaha dostupu» (uładalniku pra heta paviedamiać).
Cikava, što, zhodna z abnoŭlenym pałažeńniem, Dziaržinśpiekcyja budzie ŭklučać kopiju internet-resursu ŭ śpis abmiežavanaha dostupu na praciahu adnaho dnia paśla atrymańnia paviedamleńnia Mininfarma abo kopii rašeńnia Ministerstva infarmacyi.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary