Nazvanyja top-5 samych papularnych pastaŭščykoŭ smartfonaŭ. Samyja cikavyja pazicyi: 4 i 5
Samsung staŭ najbujniejšym pastaŭščykom smartfonaŭ pa vynikach pieršaha kvartała 2021 hoda. Na druhim miescy — Apple.
Ab hetym paviedamlajecca ŭ daśledavańni ahienctva Strategy Analytics, piša lenta.ru
Za pieršy kvartał karejskaja kampanija adhruziła na rynak 77 miljonaŭ smartfonaŭ pa ŭsim śviecie. U vyniku dola karparacyi na rynku skłała 23%.
Na druhim miescy — Apple. Jon pastaviŭ 57 miljonaŭ iPhone, zavajavaŭšy dolu ŭ 17%. Zamykaje top-3 Xiaomi — 49 miljonaŭ pryład i dola 15%.
U pieršuju piaciorku taksama ŭvajšli kitajskija Oppo i Vivo — pa 11% na kožnuju kampaniju.
Pry hetym vybuchovy rost prademanstravali nie Samsung, jakuju nazvali samym papularnym pastaŭščykom telefonaŭ, a kitajskija karparacyi.
«Dla kitajskaha rynku smartfonaŭ heta byŭ siensacyjny kvartał, abumoŭleny pośpiecham praduktaŭ 5G ŭ mnohich cenavych katehoryjach», — zaŭvažyła staršy dyrektar Strategy Analytics Linda Cui. Pastaŭki smartfonaŭ u Kitai vyraśli na 35% u paraŭnańni z anałahičnym pieryjadam 2020 hoda i skłali 94 miljony adzinak.
Hłabalnyja pastaŭki smartfonaŭ dasiahnuli 340 miljonaŭ štuk, što na 24% bolš, čym u pieršym kvartale 2020 hoda. Heta samy vysoki rost z 2015 hoda.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary