U Biarozie nie adbyŭsia sud nad viełahonščykam Uładzisłavam Cimošykam, jon abvieščany ŭ vyšuk
U sudzie Biarozaŭskaha rajona 21 krasavika pavinien byŭ pačacca razhlad kryminalnaj spravy pavodle č. 2 art. 363 Kryminalnaha kodeksa ŭ dačynieńni da 21-hadovaha Uładzisłava Cimošyka, piša spring96.org.
Spravu razhladaje sudździa Natalla Minčanka, bok abvinavačvańnia pradstaŭlaje prakuror Alaksandr Krućko. Paciarpiełym pa spravie prachodzić Siarhiej Mancevič.
Abvinavačany znachodzicca pad «chatnim aryštam», ale na sudovaje pasiadžeńnie nie źjaviŭsia, jaho telefon byŭ nie dastupny. Siastra, jakaja prachodzić pa spravie śviedkaj, paviedamiła abaroncy pra toje, što ŭ 22 hadziny 20 krasavika milicyja praviarała Uładzisłava, ale jana žyvie asobna ad jaho i nie viedaje, čamu jon nie źjaviŭsia ŭ sud.
U vyniku sud pastanaviŭ abviaścić jaho ŭ vyšuk z nastupnym źmiaščeńniem pad vartu.
Kryminalnaja sprava była zaviedziena za padziei 10 žniŭnia 2020 hoda. Pa viersii śledstva, chłopiec akazaŭ supraciŭ pry sprobie jaho zatrymańnia padčas udziełu ŭ niesankcyjanavanym masavym mierapryjemstvie — ździejśniŭ najezd na milicyjanta, jaki nios słužbu pa achovie hramadskaha paradku. U vyniku milicyjanieru byli naniesienyja mienš ciažkija cialesnyja paškodžańni.
Cimošyku pahražaje da piaci hadoŭ pazbaŭleńnia voli.
Uładzisłaŭ źjaŭlajecca šmatrazovym pieramožcam i pryzioram viełahonak jak u Biełarusi, tak i za jaje miežami.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary