Fentezi pa-biełarusku. Pryhody pavodle biełaruskich padańniaŭ
Pabačyła śviet novaja kniha Aleha Hrušeckaha «Rycar Janka i karaleŭna Miłana. Tajamničaje karaleŭstva» — fentezi na padstavie biełaruskaha falkłoru, dzie hałoŭnymi hierojami stali mifičnyja piersanažy ź biełaruskich padańniaŭ: mahutny Cmok, vołat Viarnihara, pryhažuni-vužałki, hareźniki harcuki i złydni, drapiežnyja vaŭkałaki, uładary lesu i bałota — lasun i bahnik Kaduk.
Junyja brat i siastra pryjazdžajuć na leta da babuli i dziaduli ŭ viosku i vypadkova znachodziać u dziedavaj kamory staroje zahadkavaje lusterka, praź jakoje traplajuć u tajamničaje karaleŭstva, jakoje nahadvaje biełaruskaje Siaredniaviečča — časy rycaraŭ i mužnych vajaroŭ, a ŭsie žyvioły razmaŭlajuć čałaviečaj movaj (viadoma ž, pa-biełarusku). Adpaviedna sa staražytnym padańniem, jakoje zachavałasia ŭ mudraha Puhača, junakam naležyć vyratavać karaleŭstva ad złoha čaradzieja, jaki kavarna zachapiŭ tron i ŭtrymlivajecca z dapamohaj strašennych čornych vaŭkałakaŭ.
Kniha raźličanaja na dziaciej siaredniaha školnaha ŭzrostu. Aformiŭ vydańnie mastak Viktar Kozieł («Kraina Vymiarenija»). Knihu «Rycar Janka i karaleŭna Miłana. Tajamničaje karaleŭstva» možna nabyć u kniharni «Akademičnaja kniha» albo zamović na Biblio.by i Oz.by. Taksama možna pytać tvor u biblijatekach.
-
Novy trend u płaniroŭcy pamiaškańniaŭ: sanvuzły ŭnutry pakojaŭ za rassoŭnymi ścienami ci navat bieź ich
-
U parku žyvioł la Baranavičaŭ možna paabdymacca z kapibaraj za 100 rubloŭ
-
Prahnoz nadvorja ad Hidramietcentra Rasii samy niajakasny siarod kankurentaŭ. A jakija madeli pradkazvajuć nadvorje najlepš?
Kamientary