Hienprakuror abvinavaciŭ sumiežnyja dziaržavy ŭ sprobie ŭkaranić u Biełaruś «karyčnievuju čumu»
Hienprakuror Biełarusi Andrej Švied prakamientavaŭ pryniaćcie zakona «Ab niedapuščeńni hieraizacyi nacyzmu». Na jaho dumku, heta vielmi svoječasovy zakon, pakolki «kiraŭniki šerahu dziaržaŭ, elita tak zvanaja, usprymajuć ideju nacyzmu jak składovuju častku svajoj dziaržaŭnaj ideałohii». Pra heta jon zajaviŭ u intervju telekanału «Biełaruś-1», piša Tut.by.
Andrej Švied zajaviŭ, što z punktu hledžańnia zakona i zakanadaŭstva nacyzm razhladaŭsia adnoj z krajnich formaŭ ekstremizmu.
— Padziei minułaha hoda z usioj vidavočnaściu nam prademanstravali, što z-za miažy, u pieršuju čarhu z sumiežnych dziaržaŭ, prymajucca aktyŭnyja sproby ŭkaranić hetuju «karyčnievuju čumu», zarazu, jakaja nazyvajecca nacyzm, — ličyć hienprakuror.
Jon upeŭnieny, što nacyzm sam pa sabie heta dobraja hleba, kab «radykalizavać lubyja dziejańni, nakiravanyja na źviaržeńnie zakonnaj ułady, źviaržeńnie suvierennaj dziaržavy».
— Pa sutnaści spravy, heta technałohii, jakija vykarystoŭvajucca ŭ kalarovych revalucyjach. Aŭtary płana pa sprobie źviaržeńnia kanstytucyjnaha ładu ŭ Respublicy Biełaruś jak raz vykarystoŭvali hetyja elemienty, jakija ŭłaścivyja i charaktaryzujuć nacyzm jak krajniuju prajavu ekstremizmu, — adznačyŭ jon.
Švied zajaviŭ, što hetyja idei zychodziać z tych dziaržaŭ, «dzie nacyzm, pa sutnaści spravy, staŭ častkaj dziaržaŭnaj ideałohii».
— Pahladzicie, što adbyvajecca — maršy esesaŭcaŭ, ŭščamleńnie pravoŭ hramadzian pa moŭnaj prykmiecie, imionami palicajaŭ, jakija palili Chatyń, nazyvajucca vulicy, i inšyja dziejańni, jakija kažuć ab tym, što kiraŭniki šerahu dziaržaŭ, tak zvanaja elita, usprymajuć ideju nacyzmu jak składovuju častku svajoj ideałohii, — adznačyŭ hienprakuror.
Nahadajem, 14 maja Alaksandr Łukašenka padpisaŭ zakony ab niedapuščeńni reabilitacyi nacyzmu i supraćdziejańni ekstremizmu. 15 maja jany byli apublikavanyja na Nacyjanalnym pravavym internet-partale. Častka artykułaŭ zakonaŭ ustupaje ŭ siłu paśla aficyjnaha apublikavańnia, častka — praź miesiac.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20
Kamientary