U vyniku rasijskaj ataki ŭ Abuchoŭskim rajonie Kijeŭskaj vobłaści zahinuła dziaŭčyna, troje čałavieki atrymali ranieńni, siarod ich — čatyrochhadovaje dzicia.
Dronam zabitaja žančyna 1997 hoda naradžeńnia, paviedamiŭ kiraŭnik Kijeŭskaj abłasnoj vajennaj administracyi Mikałaj Kałašnik.
«Na žal, u vyniku varožaj ataki ŭ Abuchoŭskim rajonie ad atrymanych traŭm zahinuła žančyna. Paranieny mužčyna 61 hoda, žančyna 59 hadoŭ i dzicia 4 hady. Jany dastaŭleny ŭ balnicu. Stan paciarpiełych siaredniaj ciažkaści», — raskazaŭ Kałašnik.
U vyniku ŭdaru paškodžany pryvatny žyły dom, vybityja vokny ŭ susiednim šmatpaviarchovym budynku. Taksama ŭ Fastoŭskim rajonie ŭźnik pažar na terytoryi kambikormavaha zavoda.
Unačy siłami procipavietranaj abarony Ukrainy było źniščana 88 z 273 rasijskich bieśpiłotnikaŭ, što atakavali terytoryju krainy. Pavietranyja siły paviedamili taksama pra zapuščanyja 128 drony-imitatary.
Heta rekordnaja kolkaść dronaŭ, zapuščanych za sutki pa Ukrainie za ŭvieś čas vajny. Da hetaha samaj masiravanaj ličyłasia ataka ŭ noč na 23 lutaha 2025 hoda — tady rasijskija vajskoŭcy vykarystali 267 bieśpiłotnikaŭ.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie55
Kamientary