«Zachad — heta tolki tracina śvietu, Biełaruś vyjdzie z sutyčki pieramožcam». Biełaruskija parłamientaryi kamientujuć svoj zvarot da mižnarodnaj supolnaści

Deputat Pałaty pradstaŭnikoŭ Siarhiej Kliševič

«My žyli pry sankcyjach, i my viedajem, što heta takoje, nie adzin dziasiatak hadoŭ, — jašče bolš, čym niekatoryja susiednija dziaržavy. Mahu z upeŭnienaściu skazać, što na nas heta kardynalnym čynam nie paŭpłyvaje. My ŭ lubym vypadku vystaim, i nie takoje prachodzili ŭ našaj historyi. Dla našaha naroda heta nie katastrafičnaje vyprabavańnie».

Člen Savieta Respubliki, mer Navapołacka Dźmitryj Dziamidaŭ

«Heta, na moj pohlad, čarhovy hłabalny «kryžovy pachod» pad vyhladam baraćby za demakratyčnyja kaštoŭnaści. Darečy, papiarednija taksama vialisia pa ŭsim śviecie pad ściahami aśvietnictva i chryścijanizacyi «dzikich» narodaŭ Uschodu, Afryki, Amieryki, Kitaja, Indyi i mnohich inšych, čyje nazvy navat nie zachavalisia. Nikoli Zachad nie ŭkładvaŭ resursy dla padparadkavańnia svajoj voli inšych krain z metaj adździačyć i padniać uzrovień dabrabytu miascovych žycharoŭ. Usio zaŭsiody adbyvałasia roŭna naadvarot. Źmianiajucca časy, źmianiajucca technałohii i mietady padaŭleńnia, a pryncypy, mety i zadačy zastajucca ŭsio tyja ž».

Staršynia Pastajannaj kamisii pa mižnarodnych spravach Pałaty pradstaŭnikoŭ Andrej Savinych

«My sapraŭdy apynulisia na napramku prostaha ŭdaru. Ale kalektyŭny Zachad nie ŭličvaje adzin momant. Siońnia jany — nie bolš čym treć śvietu. I vialikaja kolkaść dziaržaŭ nie tolki nie padtrymlivajuć ich, ale i hatovyja aktyŭna supraciŭlacca hetym tendencyjam. Pa adnoj prostaj pryčynie: złom takoha maštabu stavić pad pahrozu faktyčna mižnarodnuju supolnaść. Tamu my pierakananyja, što Biełaruś znojdzie sajuźnikaŭ, znojdzie padtrymku ŭ śviecie i my vyjdziem z hetaj sutyčki pieramožcami».

Namieśnik staršyni Pastajannaj kamisii pa pravach čałavieka, nacyjanalnych adnosinach i srodkach masavaj infarmacyi Lilija Ananič

«Ja sustrakałasia na šerahu pradpryjemstvaŭ z pracoŭnymi kalektyvami, u arhanizacyjach, viała pryjom hramadzian. I mahu skazać, što pradpryjemstvy — narmalna pracujuć, dobry nastroj u ludziej i poŭnaje nierazumieńnie taho, čamu kalektyŭny Zachad abviaściŭ nam vajnu. Za što? Biełaruś — šmatpakutnaja kraina, jakaja vyniesła ŭ tym liku na svaich plačach ciažkuju vajnu, straciŭšy kožnaha treciaha, apynułasia ŭ takoj situacyi, kali napiaredadni 80-hodździa pačatku Vialikaj Ajčynnaj vajny nas znoŭ chočuć pastavić na kaleni, chočuć navučyć žyć pa čužych zakonach i pa čužych praviłach».

Deputat Pałaty pradstaŭnikoŭ, staršynia Libieralna-demakratyčnaj partyi Aleh Hajdukievič

«Zachad i ŭsie krainy, jakija bolš za ŭsich kryčać ab demakratyi i svabodzie, bolš za ŭsio kłapociacca ab svaich hieapalityčnych intaresach, ab svaich intaresach u našaj krainie. A tyja, chto biehaje pa zamiežžy, poŭzaje pa kabinietach, źnievažajučysia, straciŭšy ŭsiakuju hodnaść, zaklikaje źniščyć ułasnuju krainu i zrabić joj horš, — ź imi ŭsio bolš čym zrazumieła. My nie dazvolim, kab našu krainu stavili na kaleni. U hetym zakliku, jaki my apublikavali, niama prośbaŭ. My ni pierad kim prynižacca nie budziem, my prosta kažam, što našu krainu na kaleni nie pastaviać».

Člen Savieta Respubliki Alena Ziablikava

«Biełaruś — naša kraina. My, žychary Biełarusi, chočam žyć ščaśliva i być upeŭnienymi ŭ zaŭtrašnim dni, mieć mahčymaść dasiahać asabistych i prafiesijnych metaŭ. Vielmi składana vyžyvać u śviecie, dzie niama spraviadlivaści. Čamu my pavinny žyć pa čužych zakonach i być zakładnikami niejkich brudnych hulniaŭ z-za pieradziełu rynkaŭ zbytu».

• 0
• 0
• 0
• 0
• 0
• 0
• 0
• 0