Mikitu Miełkaziorava zachejcili za biełaruskuju movu. A jon pačaŭ jaje ŭsurjoz vučyć!
Niadaŭna jutub-błohier Mikita Miełkazioraŭ abvieściŭ čelendž: kali na jaho instahram padpišacca 30 tysiač čałaviek, zrobić vypusk pa-biełarusku. Mnohija ŭspryniali heta krytyčna, maŭlaŭ, prosta tak pa-biełarusku błohier i havaryć nie moža. Miełkazioraŭ kazaŭ, što ŭpieršyniu sutyknuŭsia z takim chejtam. I znajšoŭ ludziej, jakija vučać jaho biełaruskaj movie.
«U mianie ŭ škole byli vielmi prafiesijnyja nastaŭniki. Tamu ja razumieju, što ŭ mianie dobraja baza i ja davoli talenavity ŭ tym, što tyčycca movaŭ. Ale jość prablema ź sistemnymi rečami. Jak i ź luboj movaj, pavinna być praktyka, — tłumačyć Mikita. —
Kali ŭźnik toj verchał pieršapačatkovy, akramia chejtu było i šmat padtrymki. Mnie napisali kala 10 čałaviek, jakija skazali: ehiej, chłopča, kali ty chočaš praktykavacca, my možam z taboj razmaŭlać.
Na hetym tydni jakraz i pačali.
Jość dźvie dziaŭčyny, jakija razmaŭlajuć sa mnoj pa-biełarusku, kali ŭ ich jość volny čas, pa hadzinie ŭ dzień. Jany robiać natatki i paśla pišuć, što było nie tak. Voś taki ekspres-kurs.
Biełaruskuju ja bolš-mienš viedaju, ale byŭ psichałahičny błok, kab na joj razmaŭlać. My pracujem sa słoŭnikam, z rusizmami i niejkim adčuvańniem pierfiekcyjanizmu. Naprykład, słova «chacieć» — mnie zdajecca, što heta kalka z ruskaj movy i treba padabrać inšaje. Mnie patłumačyli, što pa pieršaści možna ŭžyvać narkamaŭku, a taraškievica, jakaja bolš litaraturnaja, — heta krok na budučyniu».
Aproč zaniatkaŭ, błohier hladzić kino pa-biełarusku i starajecca čaściej pierapisvacca na rodnaj movie. Kaža, u kamandy «Žizń-maliny» jość meta — rabić raz na miesiac biełaruskamoŭny vypusk intervju.
Darečy, da 30 tysiač padpisčykaŭ u instahramie Mikita pakul nie dajšoŭ, zastałosia sabrać jašče 2000 padpisak.
Čytajcie taksama:
«Z takim abjomam chejtu sutyknuŭsia ŭpieršyniu». Miełkazioraŭ paabiacaŭ za padpisku vypuścić videa pa-biełarusku — i atrymaŭ šmat krytyki
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary