63 afrykanskija pinhviny zahinuli kala Kiejptaŭna ŭ PAR z-za napadaŭ roju dzikich pčoł. Heta redkija ptuški, jakija znachodziacca pad pahrozaj źniknieńnia. Ich kałonija žyvie na plažy kala miastečka Sajmanstaŭn.
Miortvych pinhvinaŭ vyjavili aktyvisty, jakija zajmajucca abaronaj ptušak u Paŭdniovaj Afrycy, piša Bi-bi-si.
Na ich ciełach znajšli šmat pčalinych džałaŭ, ale bolš nijakich fizičnych traŭmaŭ nie było.
Paśmiarotnaja ekśpiertyza pakazała, što śmiarotnymi stali ŭkusy ŭ vočy pinhvinaŭ.
«Heta vielmi redki vypadak, takoje nie časta zdarajecca», — adznačaje vieterynar Devid Robierts.
Taksama na miescy hibieli ptušak znajšli miortvych pčoł.
«Zvyčajna pinhviny i pčoły narmalna suisnujuć», — skazała doktar Elisan Kok, marski bijołah z ahienctva nacyjanalnych parkaŭ Paŭdniovaj Afryki (SANParks).
«Pčoły nie džalać, kali ich nie spravakavali — my miarkujem, što chtości začapiŭ hniazdo abo vulej u hetym rajonie. Heta zaachvociła pčoł pakinuć hniazdo, sfarmavać roj i stać ahresiŭnymi», — dadała jana.
«Na žal, pčoły sustreli hrupu pinhvinaŭ na svaim maršrucie palotu».
Afrykanskija «čarnanohija» pinhviny adroźnivajucca svaimi maleńkimi pamierami. Jany žyvuć na ŭźbiarežžy i vyspach Paŭdniovaj Afryki i Namibii, ale niekatorych takich ptušak zaŭvažali ŭ Habonie.
Ich papulacyja imkliva skaračajecca z-za rybnych promysłaŭ i źmianieńniaŭ navakolnaha asiarodździa.
Miadovyja pčoły taksama źjaŭlajucca častkaj miascovaj ekasistemy.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary