Kiraŭnik MUS Polščy: Sa žniŭnia było 9400 sprob nielehalna pierasiekčy biełaruska-polskuju miažu
Kiraŭnictva MUS, Pamiežnaj słužby i Ministerstva pa nadzvyčajnych situacyjach Polščy praviali čarhovuju prec-kanfierencyju adnosna mihranckaha kryzisu na biełaruska-polskaj miažy.
Kiraŭnik MUS Maryjuš Kamiński zajaviŭ, što było zroblena 9400 sprob nielehalna pierasiekčy miažu: 8200 sprob byli spynienyja, 1200 čałaviek zatrymanyja. To-bok bolš za 8000 tysiač mihrantaŭ byli viernuty ŭ Biełaruś. Ich dalejšy los nieviadomy.
U bolšaści ź mihrantaŭ, što byli zatrymanyja polskimi pamiežnikami, niama dakumientaŭ abo jany falšyvyja, kožny dziasiaty, jak śćviardžajecca, moža mieć datyčnaść da terarystyčnych struktur.
Na hety momant polskija śpiecsłužby pravieryli 200 mihrantaŭ, vyjaviłasia, što 50 ź ich prymali ŭdzieł u bajavych dziejańniach.
Pa słovach pres-sakratara ministra ŭnutranych spraŭ i administracyi, kaardynatara śpiecsłužbaŭ Stanisłava Žaryna, taksama było pradstaŭlena šmat dokazaŭ suviazi zatrymanych z Rasijaj — ślady naviedvańnia Maskvy, takija, jak płany mietro, fatahrafii z turystyčnych miescaŭ, bilet na matč u Sankt-Pieciarburhu.
Na pres-kanfierencyi taksama paviedamlałasia ab pravakacyjach suprać polskich žaŭnieraŭ. «U pavietra stralajuć, zbroja skiravana na polskich žaŭnieraŭ, kidajuć pietardy, pierazaradžajuć zbroju».
Taksama polskija śpiecsłužby siarod zatrymanych u łahierach vyjavili niekalki datyčnych da piedafilii i zaafilii, skazaŭ Žaryn.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača45
Kamientary