Vyjšaŭ na volu palitviazień Dźmitryj Furmanaŭ — pieršy z asudžanych pa spravie Cichanoŭskaha
Vyjšaŭ na volu palitviazień Dźmitry Furmanaŭ, jaki prachodziŭ u «spravie Cichanoŭskaha».
Palitviazień vyjšaŭ z kałonii «Vićba» siońnia, piša Radyjo Svaboda. Jon byŭ zatrymany ŭ kancy maja 2020 hoda ŭ Hrodnie i asudžany da dvuch hadoŭ kałonii. U termin byŭ zaličany čas u SIZA.
Dźmitryja zatrymali 29 maja 2020 hoda ŭ Hrodnie, jon byŭ zborščykam podpisaŭ za Śviatłanu Cichanoŭskuju. Pryčym jaho zabrali prosta razam z kresłam, na jakim jon siadzieŭ, źbirajučy podpisy.
Jaho abvinavacili pavodle č. 1 art. 342 KK (udzieł u hrupavych dziejańniach, jakija hruba parušajuć hramadski paradak). Pa słovach prakurora, Furmanaŭ dapamahaŭ šukać Cichanoŭskamu saŭdzielnikaŭ za ŭznaharodžańnie.
Paśla zatrymańnia mama i dziaŭčyna Dźmitryja abviaścili haładoŭku la ścienaŭ Vaładarki, jakaja doŭžyłasia šeść dzion.
Sud prachodziŭ u Hrodnie. Padčas sudovaha śledstva Furmanaŭ pravioŭ niekalki tydniaŭ u karcary turmy № 1 Hrodna. Paśla vyniasieńnia prysudu jaho nakiravali ŭ kałoniju Vićba. Razam ź im pa sudovaj spravie prachodzili Uładzimir Kniha i Jaŭhien Raźničenka, im dali pa čatyry i try z pałovaj hady adpaviedna.
Z 3 vieraśnia Dźmitryj znachodziŭsia ŭ kamiery adzin bieź pieradač i mahčymaści adpraŭlać i atrymlivać listy. Karcar jamu praciahvali až da vyzvaleńnia.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary