U pravasłaŭnych chramach Biełarusi siońnia projduć słužby za achviaraŭ stalinskich represij
Va ŭsich pravasłaŭnych chramach i manastyrach Biełarusi 31 kastryčnika za liturhijaj «basłaŭlajecca ździejśnić paminalnaje paminańnie» ludziej, «biaźvinna bahaborcami zabitych ci tych, chto byŭ u źniavoleńni» — heta značyć tych, chto paciarpieŭ u hady stalinskich represij, havorycca ŭ paviedamleńni na sajcie BPC.
31 kastryčnika jakraz prypydaje na adznačeńnie Sabora navamučanikaŭ i spaviednikaŭ ziamli biełaruskaj.
U paviedamleńni adznačajecca, što pravasłaŭnaja carkva «pamiataje nie tolki słavutych jaje śviatych, ale i ŭsich niavinnych achviar represij, zaklikajučy hramadstva zachavać pamiać ab hetych trahičnych staronkach historyi».
«28, 29 i 30 kastryčnika 1937 hoda pa Biełarusi prakaciłasia chvala rasstrełaŭ viernikaŭ, a ŭ padvałach minskaj turmy pakarali śmierciu bolš za sotniu pradstaŭnikoŭ biełaruskaj kulturnaj i navukovaj elity. Mienavita tamu i ŭ carkoŭnym, i ŭ hramadzianskim kalendary apošnija dni kastryčnika ŭ Biełarusi stajać asobna, jak dni nacyjanalnaj žałoby», — adznačaje BPC.
Kamientary