Łukašenka raskazaŭ pra ŭltymatum Biełarusi: patrabujuć, kab my stali «demakratyčnaj, pierśpiektyŭnaj, raźvitoj» dziaržavaj
Zachad vysunuŭ Biełarusi ŭltymatum: stać «demakratyčnaj, pierśpiektyŭnaj, raźvitoj» dziaržavaj. Łukašenka śćviardžaje, što Zachad patrabuje, kab Biełaruś stała mienavita takoj dziaržavaj, jak Ukraina. Ab hetym jon raskazaŭ siońnia na naradzie pa sacyjalna-ekanamičnym raźvićci krainy, pieradaje karespandent BIEŁTA.
Łukašenka źviarnuŭ uvahu na toje, što Biełaruś apynułasia ŭ centry hłabalnaha supraćstajańnia, jakoje razharnułasia pamiž Zachadam i Rasijaj. U hetaj baraćbie baki nie dziejničajuć izalavana — jość kanały, pa jakich jany mohuć vieści pierahavory. «Vy nie dumajcie, što voś my vajujem, vajujem i niama nijakich kantaktaŭ… U nas jość kanały, pa jakich my razmaŭlajem», — skazaŭ Alaksandr Łukašenka.
Jon padkreśliŭ, što kalektyŭny Zachad pierajšoŭ ad pretenzij da bolš žorstkich patrabavańniaŭ i ŭltymatumaŭ.
«Ad nas patrabujuć, kab Biełaruś stała takoj, jak Ukraina. Cytuju: «demakratyčnaj, pierśpiektyŭnaj, raźvitoj» dziaržavaj, jak Ukraina. Na što dakładna dva dni tamu im było adkazana: my nikoli nie staniem Ukrainaj. Tamu što my — biełarusy, u nas ułasnaje bačańnie našych pierśpiektyŭ», — zajaviŭ Łukašenka.
Palityk nastojvaje, što Zachad prapanavaŭ tolki adzin scenaryj demakratyzacyi i raźvićcia: «stać jak Ukraina».
«Toje, što ja skazaŭ pa Ukrainie, heta było dasłoŭna skazana. Dzie-nidzie zavualaavana. Jany namiakajuć: «Nu, pytańnie nie va ŭładzie…» Va ŭładzie pytańnie! Zusim niadaŭna zajavili: «Uładu ŭ Biełarusi treba pamianiać. Pačynać treba z prezidenta, — raskazaŭ Łukašenka. — U nas jość miechanizm. Vybary i hetak dalej. Daterminovyja vybary, kali niechta choča, — kali łaska, u nas taksama jość miechanizm. Niachaj prapanujuć».
Viartajučysia da temy ŭltymatuma, Alaksandr Łukašenka źviarnuŭsia da premjer-ministra Ramana Hałoŭčanki: «Raman Alaksandravič, vy były dypłamat, vy heta ŭsio cierpicie, nie ŭnosicie prapanoŭ. Tyja, chto prynios ultymatum, — za miežy krainy. Nie hledziačy, čyju krainu jany pradstaŭlajuć. Što my ź imi cielapajemsia? Jany ž pracujuć na škodu».
Kamientary