«Dzima rydaŭ, nie moh spynicca». Što kaža maci chłopca z razumovaj adstałaściu, jakomu admovili ŭ pamiłavańni
Dźmitryj Hopta, 22-hadovy hamialčuk, byŭ asudžany na 2 hady kałonii za padziei žniŭnia 2020 hoda ŭ Žłobinie. Chłopiec maje psichičnaje zachvorvańnie, źviazanaje sa značnym parušeńniem pavodzin, što patrabuje dohladu i lačeńnia, z-za hetaha maje razumovuju adstałaść. Juryj Vaskrasienski jašče ŭvosień 2021 hoda kazaŭ, što spravu Hopty razhledziać chutka, prahnazavaŭ, što Novy hod Dzima sustrenie doma. Ale prahnozy Vaskrasienskaha nie spraŭdzilisia.
«Ja daviedałasia pra heta ŭ subotu, 8 studzienia. Syn pazvaniŭ z kałonii i kaža, što jamu pryjšła admova. List z admovaj Dzima atrymaŭ jašče 5 studzienia. Siońnia pierazvaniła ŭ kałoniju, tam paćvierdzili. Padrabiaznaściej, čamu admovili, što tam dy jak — ja ničoha nie viedaju», — kaža Volha Hopta, maci Dzimy.
Jana kaža, syn uspryniaŭ naviny vielmi ciažka.
«Dzima rydaŭ padčas zvanka, nie moh spynicca. Jon žyŭ tolki hetym, čakaŭ hetaha pamiłavańnia, čakaŭ, što budzie doma», — skroź ślozy raskazvaje Volha.
Žančyna źviazvałasia z Vaskrasienskim, ale adkazu, čamu admovili ŭ pamiłavańni, tak i nie atrymała.
«Jak ja zrazumieła, jany tam i sami nie viedajuć, čamu byŭ taki adkaz.
Dzimie zastaŭsia hod. Bližejšaje spatkanńnie, mierkavana, niedzie ŭ sakaviku. Budziem sprabavać jaho vyciahnuć, spadziajusia, jon heta ŭsio niejak pieražyvie. Budziem pisać znoŭ listy, znoŭ na imia Łukašenki. Ale čaho čakać — ja nie viedaju, ničoha nie mahu skazać», — kaža Volha Hopta.
«Dzima zapłakaŭ: «Mama, nie chaču!» Za biesparadki ŭ kałoniju adpravili chłopca z razumovaj adstałaściu
«Mama, mnie vielmi soramna, što ja tut». Maci Dźmitryja Hopty sa Žłobina sustrełasia z synam u kałonii
Ciapier čytajuć
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch55
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch5
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary