Siońnia bresckaja piensijanierka Alena Hnaŭk musiła vyzvalicca z Pružanskaha IČU paśla 15 sutak aryštu. Ale žančyna tak i nie vyjšła. Śledčyja patelefanavali svajakam i paviedamili, što na jaje zaviedzienyja novyja kryminalnyja spravy.
Na padstavie adnoj z zaviedzienych spraŭ piensijanierka zastaniecca ŭ IČU jašče na try dni, a što budzie dalej, pakul nichto nie viedaje.
Kryminalnyja spravy na Hnaŭk zaviedzienyja pa častcy 2 artykuła 367 («paklop na prezidenta RB») i artykułu 369 («abraza pradstaŭnika ŭłady»).
Na pačatku maja minułaha hoda Hnaŭk asudzili da dvuch hadoŭ «chatniaj chimii» pa «spravie karahodaŭ», a ŭ vieraśni pakarali jašče dvuma hadami «chatniaj chimii» za abrazu Łukašenki. Sumarna, takim čynam bresckaj aktyvistcy prysudzili try hady abmiežavańnia voli biez nakiravańnia ŭ papraŭčuju ŭstanovu.
Ale i paśla taho jana nieadnarazova zatrymlivałasia i padviarhałasia roznym dadatkovym pakarańniam. Hetym razam jaje pasadzili na 15 sutak za parušeńnie režymu «chatniaj chimii».
Čytajcie taksama:
Alena Hnaŭk trymaje haładoŭku. Dzieci: U Pružanskim IČU jaje katujuć
Znoŭ zatrymali i asudzili piensijanierku Alenu Hnaŭk
U Pružanach zatrymali Alenu Hnaŭk. Pryčynaj staŭ «bčb-pikiet» kala ŭłasnaha doma
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary