Amierykanski sienatar nie vyklučyŭ uviadzieńnie sankcyj suprać Rasii avansam
Sienatar ZŠA, člen Demakratyčnaj partyi Robiert Mienendes nie vyklučyŭ, što častka abmiežavańniaŭ moža być uviedziena zahadzia, astatnija — kali Rasija napadzie na susiedniuju dziaržavu. Pra heta jon zajaviŭ telekanału CNN.
«Niekatoryja sankcyi sapraŭdy mohuć być uviedzienyja zahadzia za toje, što Rasija ŭžo zrabiła. Kibierataki na Ukrainu, apieracyi pad iłžyvym ściaham, sproby padarvać ukrainski ŭrad — heta tolki niekatoryja prykłady sankcyj, jakija mohuć być užytyja ciapier», — skazaŭ sienatar ad štata Ńju-Džersi.
12 studzienia Mienendes prapanavaŭ abmiežavalnyja miery na vypadak eskałacyi. Jany ŭklučajuć sankcyi suprać 12 vysokapastaŭlenych asob, u tym liku prezidenta Rasii Uładzimira Pucina, premjer-ministra Michaiła Mišuścina, kiraŭnika MZS Siarhieja Łaŭrova, ministra abarony Siarhieja Šajhu, bankaŭ, finansavych ustanoŭ i mižbankaŭskaj sistemy płaciažoŭ SWIFT.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary