«Jany dosyć prostyja». Ministr achovy zdaroŭja anansavaŭ kavidnyja abmiežavańni da refierendumu
Ministr achovy zdaroŭja Dźmitryj Pinievič prakamientavaŭ vializnyja čerhi ŭ paliklinikach, raskazaŭ pra chvalu «amikronu» i anansavaŭ kavidnyja normy, jakija ŭviaduć da refierendumu.
U efiry BT ministr vykazaŭsia pra vializnyja čerhi ŭ paliklinikach, jakija naziralisia ŭ paniadziełak.
«Heta źviazana z toj situacyjaj, jakuju my prahnazavali i jakaja, na žal, spraŭdziłasia, u dosyć vybuchovym charaktary zachvorvańnia, źviazanym z uvachodam štamu «amikron» u našu biełaruskuju papulacyju. Napłyŭ byŭ nie tolki ŭ Minsku, ale i pa ŭsioj krainie» , — raspavioŭ Pinievič.
Ale zapeŭniŭ, što ŭ aŭtorak i sieradu nahruzka va ŭsich rehijonach pamienšała ŭ 2-2,5 raza.
«Kali była epidemija hrypu, čaściakom u nas nahruzka na palikliničnyja ŭstanovy i asabliva ŭ horadzie Minsku była navat vyšejšaj, čym hety paniadziełak z «amikronam», — dadaŭ ministr.
Kali palikliniki byli zabityja, to ŭ stacyjanarach, pa jaho słovach, nahruzka praktyčna nie pavialičyłasia.
«U nas pa krainie nie bolš za 30% łožkavaha fondu razhornuta ad chvali vosieńniu, kala 10 tysiač łožkaŭ».
Na dapamohu terapieŭtam u palikliniki adpraŭlali piersanał balnic, a taksama studentaŭ (kursy, jakija časova pierapynili, praciahnuć paśla chvali kavidu).
Raskazaŭ Pinievič i pra płany pa vakcynnych centrach.
«U hetym hodzie my pavinny dabudavać i ŭvieści ŭ ekspłuatacyju zavod pa poŭnaj vytvorčaści «Sputnik V». Heta budzie zavod poŭnaha cykłu. Potym jon budzie zaviazany na vytvorčaści cełaj liniejki lekavych preparataŭ. A što tyčycca viciebskaha prajekta, u płanach 2023 hoda jon zastajecca».
Ministr pryznaŭ, što ŭ minułuju chvalu kavidu kisłarod u balnicach byŭ na miažy.
«Raschod kisłarodu byŭ nastolki vysoki, što my zabirali mahutnaści pramysłovaści. I byli navat dni, kali my trymali ledź nie na hałodnym pajku pramysłovaść.
Ciapier u nas stvoranyja zapasy kisłarodu, jakija dazvolać pieražyć pikavyja nahruzki na praciahu dvuch miesiacaŭ», — padzialiŭsia čynoŭnik.
Ci buduć da refiendumu ŭviedzienyja sanitarnyja normy z-za epidemii? Voś što adkazaŭ Pinievič:
«Vy ŭbačycie hetyja normy, adlustravanyja ŭ rašeńni CVK, tamu što my ich uzhadnili. Jany dosyć prostyja. Jany nakiravanyja na toje, kab zrabić sacyjalnaje dystancyjavańnie na ŭčastkach, kali my pojdziem hałasavać. I tyja, chto budzie chvareć i vykaža žadańnie prahałasavać, buduć prymacavanyja da našych stacyjanarnych zakrytych učastkaŭ, i naša zadača vyjechać».
Čytajcie taksama:
Jak źviazanaje raźniavoleńnie aficyjnaj kavidnaj statystyki z refierendumam pa Kanstytucyi?
Jak lačyć amikron u chatnich umovach? Zapisali parady doktara Martava
Čamu tak rezka vyrasła kolkaść vypadkaŭ karanavirusa? Voś što adkazali ŭ Minzdaroŭja
«Chto mnie daść balničny z tempieraturaj 37?» Raskazvajem, jak pracujuć biełarusy ŭ razhar «amikrona»
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary