Mižnarodny dzień salidarnaści ź Biełaruśsiu raspačaŭsia ŭžo siońnia
9 lutaha adznačajecca Dzień salidarnaści ź Biełaruśsiu. Napiaredadni, 8 lutaha, u Vilni ambasadary i śpiecyjalnyja pradstaŭniki Litvy, Polščy, Francyi, ZŠA, Jeŭrasajuza sustrelisia z pradstaŭnikami biełaruskich niaŭradavych arhanizacyj (Pravaabarončy centar «Viasna», Biełaruski dom pravoŭ čałavieka, Biełaruski Chielsinkski kamitet, Biełaruskaja asacyjacyja žurnalistaŭ, Fond salidarnaści BYSOL) i abmierkavali situacyju z pravami čałavieka ŭ Biełarusi, piša «Radyjo Svaboda».
Ambasadary Jeŭrasajuza, Litvy, Francyi, Polščy i ZŠA napiaredadni Dnia salidarnaści ź Biełaruśsiu vykazali svaju padtrymku biełarusam, jakija, niahledziačy na represii režymu, praciahvajuć adstojvać svaje pravy.
Pavodle ŭdzielnika sustrečy Andreja Stryžaka, byli abmierkavanyja «kirunki, u jakich Jeŭrasajuz i ZŠA mohuć i buduć praciahvać dapamohu biełarusam».
«Heta nie značyć, što niechta pryjdzie i pavyrašaje ŭsie našy prablemy, heta naša z vami zadača, ale siońnia asabliva važnaje razumieńnie, što my nie adny. I my nie adny pracujem dalej», — zajaviŭ Stryžak.
Śviatłana Cichanoŭskaja zaklikała 9 lutaha va ŭsim śviecie padtrymać niezaležnyja miedyja Biełarusi i žurnalistaŭ u Mižnarodny dzień salidarnaści ź Biełaruśsiu.
Biełaruskaja asacyjacyja žurnalistaŭ napiaredadni Mižnarodnaha dnia salidarnaści ź Biełaruśsiu padrychtavała parady, jak možna dapamahčy redakcyjam i žurnalistam. Jość try asnoŭnyja rekamiendacyi:
- dasyłać listy, telehramy i hrašovyja pieravody palitźniavolenym, siarod jakich 33 pradstaŭniki ŚMI;
- padpisvacca, dzialicca navinami i kamunikavać z redakcyjami;
- padtrymać redakcyi albo žurnalistaŭ finansava.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ70
Kamientary