Łukašenka terminova vylecieŭ u Sočy. Jon tam znachodzicca pa zaprašeńni Dźmitryja Miadźviedzieva, zajaŭlajuć rasijskija krynicy.
Alaksandr Łukašenka znachodzicca ŭ Sočy pa zaprašeńni rasijskaha boku. Pra heta paviedamiŭ 21 žniŭnia ŭ Sočy žurnalistam pamočnik prezidenta Rasii Siarhiej Prychodźka, pieradaje RIA Novosti.
«Pa ŭzajemnaj damoŭlenaści ŭ druhoj pałovie nastupnaha tydnia adbudziecca sustreča prezidentaŭ dźviuch krain», — skazaŭ Prychodźka. Pavodle jaho słoŭ, Miadźviedzieŭ nakiravaŭ zaprašeńnie svajmu biełaruskamu kalehu «niekatory čas tamu».
Jak paviedamiŭ pamočnik rasijskaha prezidenta, temaj sustrečy dvuch lideraŭ buduć pytańni handlova-ekanamičnaha supracoŭnictva.
Ab płanavanaj sustrečy ź Miadźviedzievym u Sočy Łukašenka paviedamiŭ žurnalistam 20 žniŭnia padčas rabočaj pajezdki pa Viciebskaj vobłaści.
Pavodle jaho słoŭ, damoŭlenaść ab sustrečy z rasijskim prezidentam była dasiahnuta padčas niefarmalnaha samita krain — udzielnic ADKB, jaki prachodziŭ 31 lipienia — 1 žniŭnia ŭ Kyrhyzstanie. Łukašenka adznačyŭ, što ŭ chodzie sustrečy płanujecca abmierkavać «uvieś śpiektr składanych pytańniaŭ — tych, jakija dahetul nie vyrašajucca».
U pres-słužbie kiraŭnika biełaruskaj dziaržavy pakul nie kamientujuć infarmacyju ab tym, što Alaksandr Łukašenka ŭžo znachodzicca ŭ Sočy.
Kamientary