Staršyniu niezaležnaha prafsajuza «Naftan» Volhu Brycikavu asudzili čaćviorty raz zapar
Upieršyniu Volhu Brycikavu zatrymali 27 lutaha padčas hałasavańnia na refierendumie na vybarčym učastku. Paśla jašče dva razy asudzili faktyčna za adnu i tuju ž «pravinu». Ciapier — užo čaćviortyja 15 sutak, piša «Viasna».
Navapołackuju aktyvistku Volhu Brycikavu zatrymali jašče 27 lutaha padčas hałasavańnia na refierendumie na vybarčym učastku. Spačatku jaje abvinavacili ŭ fatahrafavańni biuletenia, za što sud pakaraŭ jaje 15-sutačnym aryštam.
Praź niekalki dzion nad Volhaj adbyŭsia ŭžo druhi sud. Joj pryznačyli jašče 15 sutak za toje, što jana da svajoj kurtki pryčapiła nadpisy: «Nie vaĭnie», «Niet voĭnie», «No war».
Treci raz Volhu sudzili za papiery z tymi ž nadpisami, tolki ŭžo na voknach kvatery. Na sudzie jana patłumačyła, što na druhim boku arkušaŭ jana napisała dla siabie słovy malitvy. Akramia hetaha, jana zajaviła, što nadpisami na listach jana vykazała svaju dumku z nahody situacyi, što skłałasia va Ukrainie, a svaboda vykazvańnia joj harantavanaja Kanstytucyjaj. Vynik — čarhovyja 15 sutak.
13 krasavika Volha musiła vyjści na volu, ale milicyjanty skazali, što jana zatrymanaja na 72 hadziny. Paźniej stała viadoma, što jaje znoŭ aryštavali na 15 sutak. Pa papiaredniaj infarmacyi, na hety raz jaje asudzili za post «Niet vojnie» u Instagram.
Za kratami ŭ časovym izalatary horada Vušačy Brycikavu buduć utrymlivać, takim čynam, jak minimum 60 sutak.
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty6
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary