68-hadovamu piensijanieru z Homielščyny dali vosiem miesiacaŭ kałonii za krytyku papravak u Kanstytucyju
U sudzie Navabielickaha rajona Homiela 7 červienia vynieśli prysud žycharu Cieruchi Mikałaju Vicikavu, jakoha abvinavačvali ŭ dyskredytacyi Respubliki Biełaruś (art. 369-1 Kryminalnaha kodeksa).
Spravu razhladaŭ sudździa Alaksandr Zinčuk.
68-hadovy piensijanier i były deputat sielskaha cavieta Mikałaj Vicikaŭ byŭ zatrymany 14 studzienia 2022 hoda. Da suda ŭtrymlivaŭsia ŭ Homielskim SIZA № 3.
Padstavaj dla zatrymańnia pasłužyŭ jahony list u rajonnuju hazietu «Majak» z nahody abmierkavańnia źmienaŭ u Kanstytucyju. Śledčyja kvalifikavali list piensijaniera pa č. 1 art. 130 Kryminalnaha kodeksa — raspalvańnie sacyjalnaj varožaści, a rajonka adreahavała abraźlivym artykułam. Zatym abvinavačańnie źmianili na inšaje: dyskredytacyja Respubliki Biełaruś, paviedamlaje «Viasna».
Mikałaja Vicikava z Homielskaha rajona asudzili na 8 miesiacaŭ pazbaŭleńnia voli ŭ kałonii ahulnaha režymu «zamach na raspaŭsiudžvańnie niedakładnaj, abraźlivaj…. infarmacyi ab dziejnaści dziaržorhanaŭ, siłavikoŭ…».
Svaju viersiju padziej vykazała i redakcyja haziety «Majak». Z publikacyi stała viadoma, što pryčynaj zaviadzieńnia kryminalnaj spravy stała acenka dziejučaha režymu:
«Tvorčaść» viaskoŭca ŭtrymlivaje šmat standartnych biespadstaŭnych abvinavačvańniaŭ i abraz pradstaŭnikoŭ ułady i samoj dziaržaŭnaj sistemy. A jak pa-inšamu ŭsprymać toje, što čałaviek nazyvaje dziaržaŭny ład «łukašyzmam», prychilnikaŭ ułady — «jabaćkami», dziejańni pravaachoŭnych orhanaŭ «źvierstvami amapaŭskich vyludkaŭ». U zapale nie ŭtrymaŭsia, i svaich ža abazvaŭ «pratestunami». Ale bolš za ŭsio brudu vyliŭ pažyły aŭtar na Usiebiełaruski narodny schod, jaki jon niepryvabna paraŭnaŭ z «šabašam» i «hnajnikom», — havaryłasia ŭ publikacyi «Majaka».
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary