68-гадоваму пенсіянеру з Гомельшчыны далі восем месяцаў калоніі за крытыку паправак у Канстытуцыю
У судзе Навабеліцкага раёна Гомеля 7 чэрвеня вынеслі прысуд жыхару Церухі Мікалаю Віцікаву, якога абвінавачвалі ў дыскрэдытацыі Рэспублікі Беларусь (арт. 369-1 Крымінальнага кодэкса).
Справу разглядаў суддзя Аляксандр Зінчук.
68-гадовы пенсіянер і былы дэпутат сельскага cавета Мікалай Віцікаў быў затрыманы 14 студзеня 2022 года. Да суда ўтрымліваўся ў Гомельскім СІЗА № 3.
Падставай для затрымання паслужыў ягоны ліст у раённую газету «Маяк» з нагоды абмеркавання зменаў у Канстытуцыю. Следчыя кваліфікавалі ліст пенсіянера па ч. 1 арт. 130 Крымінальнага кодэкса — распальванне сацыяльнай варожасці, а раёнка адрэагавала абразлівым артыкулам. Затым абвінавачанне змянілі на іншае: дыскрэдытацыя Рэспублікі Беларусь, паведамляе «Вясна».
Мікалая Віцікава з Гомельскага раёна асудзілі на 8 месяцаў пазбаўлення волі ў калоніі агульнага рэжыму «замах на распаўсюджванне недакладнай, абразлівай…. інфармацыі аб дзейнасці дзяржорганаў, сілавікоў…».
Сваю версію падзей выказала і рэдакцыя газеты «Маяк». З публікацыі стала вядома, што прычынай завядзення крымінальнай справы стала ацэнка дзеючага рэжыму:
«Творчасць» вяскоўца ўтрымлівае шмат стандартных беспадстаўных абвінавачванняў і абраз прадстаўнікоў улады і самой дзяржаўнай сістэмы. А як па-іншаму ўспрымаць тое, што чалавек называе дзяржаўны лад «лукашызмам», прыхільнікаў улады — «ябацькамі», дзеянні праваахоўных органаў «зверствамі амапаўскіх вылюдкаў». У запале не ўтрымаўся, і сваіх жа абазваў «пратэстунамі». Але больш за ўсё бруду выліў пажылы аўтар на Усебеларускі народны сход, які ён непрывабна параўнаў з «шабашам» і «гнайніком», — гаварылася ў публікацыі «Маяка».
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары