U časopisie «Viasiołka» pamianiaŭsia hałoŭny redaktar, papiaredni byŭ 44 hady
Z šostaha, červieńskaha, numara dziciačaha časopisa «Viasiołka» za 2022 hod jaho stała padpisvać novaja hałoŭnaja redaktarka — publicyst Anastasija Radzikievič, paviedamlaje «Źviazda».

Navina cikavaja siarod inšaha tym, što papiaredni hałoŭny redaktar, piśmieńnik Uładzimir Lipski, staŭ kiravać časopisam jašče ŭ epochu brežnieŭskaha zastoju, ažno ŭ 1978 hodzie. Lipskamu ŭ mai hetaha hoda spoŭniłasia 82 hady.

Uładzimir Lipski. Fota: Vikipiedyja
Štomiesiačny časopis «Viasiołka», pryznačany pieradusim dla dziaciej małodšaha školnaha ŭzrostu, vydajecca z 1957 hoda. Jahonymi hałoŭnymi redaktarami ŭ roznyja časy byli viadomyja biełaruskija piśmieńniki Vasil Vitka, Jeŭdakija Łoś i Anatol Hračanikaŭ.
Kamientary