U biełaruskaj vałanciorki z Bučy nie pryniali dakumienty dla lehalizacyi va Ukrainie
U Karyny Paciomkinaj, biełaruskaj vałanciorki z Bučy, nie pryniali dakumienty dla padačy na časovy dazvoł na žycharstva va Ukrainie, paviedamlaje vydańnie «Miedyjazona».
Sa słoŭ dziaŭčyny, jana pryjšła ŭ mihracyjnuju słužbu, kab padać dakumienty na afarmleńnie časovaha dazvołu na žycharstva va Ukrainie, vykarystoŭvajučy dla hetaha jak padstavu «vałanciorstva ŭ arhanizacyi». Ale pakiet dakumientaŭ, u tym liku padziaku ad Bučanskaj terytaryjalnaj hramady, nie pryniali, kaža Paciomkina.
Paźniej supracoŭnica mihracyjnaj słužby zabrała ŭ Paciomkinaj pašpart i skazała, što ŭ jaje budzie štraf, ale «minimalny, bo jana vałancior».
«Paślazaŭtra ja pajdu za pašpartam, a tam budzie štamp. I ja nie pryjedu ŭ Ukrainu, tamu što ciapier jany departujuć usich biez razboru. Staviać voś hetyja štampy i dajuć štrafy», — ličyć vałanciorka.
Da hetaha na terytoryi Ukrainy Paciomkina znachodziłasia biez dazvołu na žycharstva i žyła ŭ Bučy. Z nastupleńniem rasijskich vojskaŭ jana zmahła evakuiravacca, ale potym viarnułasia «jak tolki možna było», kaža dziaŭčyna.
«Ja prosta lehalna znachodziłasia na terytoryi Ukrainy 180 dzion. Ja taksama ŭciakła, ale nie padavałasia na palityčny prytułak. Ja tolki patelefanavała [ŭ mihracyjnuju słužbu] i mnie skazali, što na vajennym stanoviščy jany nie prymajuć zajavy na biežanstva, ale nibyta moj zvanok zafiksavali i pieratelefanujuć mnie, jak skončycca vajna» — — patłumačyła dziaŭčyna.
30 červienia Karynie Paciomkinaj uručyli padziaku za vałanciorskuju dziejnaść va Ukrainie. Uznaharodžańnie prachodziła ad imia Bučanskaj terytaryjalnaj hramady. Tady Paciomkina apublikavała na svajoj staroncy ŭ fejsbuku videa cyrymonii.
«U kožnaj hramady jość svaja praca. U kožnaj nacyi jość rany dla hajeńnia. U kožnym sercy jość siła zrabić heta», — napisała tady vałanciorka na ŭkrainskaj movie.
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary