Ekanomiju ŭviali z-za «niespryjalnych abstavinaŭ».
U Prydniastroŭi na paŭtary tydnia ŭvodziać režym ekanomii hazu. Pra heta zajaviŭ pieršy vice-premjer — ministr ekanamičnaha raźvićcia niepryznanaj respubliki Siarhiej Abałonik, pieradaje Pieršy Prydniastroŭski telekanał.
«U pryjarytetnym paradku budzie ažyćciaŭlacca vytvorčaść elektraenierhii dla nasielnictva, na bytavyja i humanitarnyja patreby. Pa zakančeńni hetaha pieryjadu ŭsie spažyŭcy i patreby Prydniastroŭja buduć zabiaśpiečvacca hazam u narmalnym režymie. Ja maju na ŭvazie i pramysłovych spažyŭcoŭ, i kamiercyjnych, i pracu ŭ śfiery ciepłaenierhietyki ŭ tym paradku, jaki ŭstanoŭleny dla pačatku aciaplalnaha siezona».
Pavodle jaho słoŭ, ekanomiju ŭviali z-za «niespryjalnych abstavinaŭ». Pry hetym dla damoŭ, škoł i balnic vytvorčaść elektraenierhii zastajecca ŭ zvyčajnym režymie, haz u kanforki praciahnie pastupać.
Prablemy z hazam užo byli ŭ Prydniastroŭi ŭ pačatku hetaha hoda, paśla taho, jak Ukraina spyniła 1 studzienia tranzit rasijskaha hazu. Žychary respubliki pasiarod zimy zastalisia biez aciapleńnia i haračaj vady, byli spynienyja pramysłovyja pradpryjemstvy, a elektrasietki nie vytrymlivali nahruzki.
Praź miesiac Małdova pačała pastaŭki, i prablema była vyrašanaja.
Ciapier čytajuć
Praca fizičnaha ofisa Cichanoŭskaj u Vilni časova prypyniena34
Kamientary