Alaksandr Łukašenka siońnia zładziŭ pryjom dla vypusknikoŭ vajskovych VNU i vyšejšaha aficerskaha składu. Taksama jon zrabiŭ niekalki zajaŭ.
Pa jaho słovach, krainami Zachadu pry adkrytym dyryžorstvie Złučanych Štataŭ rujnujecca sistema hłabalnaj biaśpieki, što pryviało da kanfliktu va Ukrainie.
«Mabyć, navajaŭlenyja «kryžaki» z Paŭnočnaatłantyčnaha aljansu raptam vyrašyli, što nadychodzić zručny momant dla čarhovaha «kidka na ŭschod», zabyŭšysia, čym skončylisia anałahičnyja pachody dla ich histaryčnych papiarednikaŭ», — zajaviŭ jon.
Łukašenka zajaviŭ taksama pra toje, što rychtavaŭsia napad na Rasiju praz Ukrainu i Biełaruś.
«U apošni čas (i my heta padrabiazna abmiarkoŭvali ŭčora z prezidentam Rasijskaj Fiederacyi) raspracoŭvajucca stratehičnyja płany napadu na Rasiju. I hałoŭnaje kirunak ŭdaru (historyja paŭtarajecca) — praz Ukrainu i praź Biełaruś», — Alaksandr Łukašenka.
Pa jaho słovach, śviet raniejšym ŭžo nie budzie. «Padziei, jakija adbyvajucca — heta rašučyja kroki pa šlachu da šmatpalarnaj śvietabudovy, spynieńnia amierykanskaj hiehiemonii, u intaresach zachavańnia jakoj naroščvajucca hrupoŭki vojskaŭ, padtrymlivajecca nieanacysckaja ideałohija i adkryta fašysckija režymy vakoł niepažadanych krain. Na žal, takaja palityka Zachadu nabližaje śviet da prorvy vialikaj vajny, u jakoj, jak vy razumiejecie, pieramožcy ŭžo nie budzie», — miarkuje jon.
Łukašenka zaznačyŭ, što na Biełaruś narastaje cisk nie tolki ŭ vajenna-palityčnaj, ale i ŭ inšych śfierach, pierš za ŭsio ŭ ekanamičnaj i infarmacyjnaj.
«Heta ŭ čarhovy raz paćviardžaje — suprać Biełarusi raźviazanaja poŭnamaštabnaja hibrydnaja vajna, jakaja zaŭsiody nosić nastupalny charaktar. U hetaj vajnie zadziejničanyja jak nacyjanalnyja, tak i kaalicyjnyja struktury Paŭnočnaatłantyčnaha błoka, jakija śpiecyjalizujucca na praviadzieńni psichałahičnych apieracyj i padryŭnych dziejańniaŭ u kibierprastory».
Razam z tym Łukašenka raskrytykavaŭ sajuźnikaŭ pa ADKB i SND za pazicyju čakańnia.
«Masiravany cisk pryvioŭ da taho, što, na žal, niekatoryja našy sajuźniki pa ADKB i SND zajmajuć, miakka kažučy, čakalnuju pazicyju. Ale pry hetym palityka Biełarusi nie pachisnułasia, my padtrymlivajem dyjałoh z krainami, jakija pavažajuć naša mierkavańnie i našy intaresy», — skazaŭ Łukašenka.
Jon dadaŭ, što nikoli jašče ŭ sučasnaj historyi Biełaruś nie sutykałasia z takim biesprecedentnym uzroŭniem pahroz i vyklikaŭ nacyjanalnaj biaśpieki.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary