Rasijski telekanał «Dožd́», jaki prypyniŭ viaščańnie praź niekalki dzion paśla pačatku ŭvarvańnia Rasii va Ukrainu, abviaściŭ pra viartańnie ŭ efir.
Z paviedamleńnia ŭ tielehram-kanale «Doždia» vynikaje, što telekanał adnović viaščańnie siońnia ŭ 20:00 vypuskam navinnaj prahramy «Zdieś i siejčas». Spasyłka na budučuju tranślacyju prymacavanaja da pasta.
Telekanał pačynaje pracu ŭ adkrytym dostupie na ŭsich płatformach — jaho možna budzie hladzieć i čytać va ŭsich sacsietkach, u YouTube i ŭ kabielnych sietkach. Adnak mabilnyja prahramy i sajt nie buduć pracavać na pieršym etapie, adnak viadziecca praca nad ich zapuskam.
Z-za pryniaćcia represiŭnych zakonaŭ u Rasii žurnalisty byli vymušanyja źjechać i ciapier pracujem z-za miežaŭ krainy. U Łatvii jany adkryli novuju kampaniju i atrymali jeŭrapiejskuju licenziju na viaščańnie. Na pieršym etapie studyi buduć raźmiaščacca ŭ Ryzie, Amsterdamie, Tbilisi i Paryžy.
Telekanał pracuje z krasavika 2010 hoda. Varta zaznačyć, što 8 pracentaŭ aŭdytoryi «Doždia» — biełarusy.
Jon staŭ adnym z samych vialikich ŚMI (razam z «Echom Moskvy», «Novoj hazietoj» i «Znakom»), zakrytych u vyniku vajny.
Z 1 sakavika sajt kanała pačaŭ błakavać Raskamnahlad, a 3 sakavika redakcyja abviaściła pra prypynieńnie pracy praź niemahčymaść abaranić svaich žurnalistaŭ i haściej ad novaha kryminalnaha artykuła za «fejki» pra ŭzbrojenyja siły. Paśla hetaha kiraŭnictva i mnohija supracoŭniki «Doždia» pakinuli Rasiju.
Kamientary