Daśledavańnie: mužčyny vyhladajuć bolš pryvabnymi, kali vyvodziać hulać maleńkaha sabačku
Kali razmova idzie pra mužčynskuju pryvabnaść, pamier nasamreč maje značeńnie. Praŭda, heta pracuje zusim nie tak, jak vy dumajecie.
Navukoŭcy z Chaenskaha ŭniviersiteta ŭ Ispanii paprasili 300 žančyn raspavieści pra svaje ŭražańni ad niekalkich fota mužčyny i žančyny (naniatych akcioraŭ). Na niekatorych zdymkach jany znachodzilisia ŭ adzinocie, a na inšych — razam z maleńkim sabakam ci sabakam siaredniaha pamieru, piša The Telegraph.
Pry hetym usie sabaki na fota byli darosłymi, a nie ščaniukami. Zdymki ź vialikimi sabakami ŭ daśledavańnie nie ŭklučali, bo raniejšyja pracy pakazali, što takija sabaki pužajuć ludziej.
Udzielnic ekśpierymienta paprasili ŭjavić, što jany iduć pa vulicy ŭ adzinocie i raptam sustrakajuć čałavieka z fota. Jak by jany adreahavali na jaho?
Foty, dzie akcioraŭ supravadžali sabaki, vyklikali bolš stanoŭčuju reakcyju, čym foty biez sabak. Prahlad takich zdymkaŭ dapamahaŭ žančynam adčuć siabie ŭ lepšym nastroi i bolšaj biaśpiecy, bolš spakojnymi i kantralujučymi situacyju. Čym mienš byŭ sabaka na fota, tym lepšaj była reakcyja žančyny.
Akcioru na fota, jakoje vykarystali ŭ daśledavańni, 39 hadoŭ, jaho rost — 162 sm, a vaha — 63 kh. Ale vučonyja ličać, što sabaka zmoža zrabić bolš pryvabnym luboha mužčynu pa-za zaležnaściu ad taho, kolki jon važyć i jak vyhladaje.
I jašče: efiekt ad sabaki byŭ bolšym, kali navakolnaje asiarodździe było bolš niepryjemnym, to-bok mužčyna ci žančyna z sabakam na haradskich vulicach usprymajecca lepiej, čym niedzie na pryrodzie.
Sabaka štonočy prychodziŭ da niemaŭlaci dla taho kab upeŭnicca, što ź im usio dobra. Hetaje VIDEA stała virusnym
Daśledavańnie: sabaki nasamreč mohuć razumieć čałaviečuju dabryniu
Kłanavańnie lubimych kocikaŭ i sabačak paśla ich śmierci robicca masavaj źjavaj u ZŠA
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?1
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary