Hramadstva

U Vilni adkryłasia biełaruskamoŭnaja škoła niefarmalnaj adukacyi. Što prapanoŭvajuć?

Heta prajekt Vilenskaha biełaruskaha muzieja imia Ivana Łuckieviča. Stvaralniki nazvali jaho «Škołka». 

Zaniatki ŭ hurtku. Fota: asabisty archiŭ 

«Mienavita tak, pa-siabroŭsku, kab padkreślić, što adukacyja niefarmalnaja. Na zaniatkach dzieci navat mohuć pić harbatu», — raskazvaje Paŭlina Vituščanka, kuratarka Vilenskaha biełaruskaha muzieja imia Ivana Łuckieviča. 

«Škołka» pačała dziejničać u testavym režymie jašče ŭ 2021-m. 

«Pamiaškańnie my vyjhrali na konkursie Vilenskaha samakiravańnia ŭ pačatku 2021-ha. Litoŭcy takim čynam adhuknulisia na vializnuju kolkaść biełarusaŭ, jakija pryjechali, ich patreby», — raskazvaje Paŭlina. 

U hurtki prymajuć dziaciej ad 3 da 16 hadoŭ, navučańnie na biełaruskaj movie.

Hurtki jość nastupnyja: «Biełaruskaja mova», «Litoŭskaja mova», «Anhlijskaja mova», «Tvorčyja zaniatki hrafičnym dyzajnam, ilustracyjaj i fatahrafijaj», «Teatralny hurtok», «Hurtok vyjaŭlenčaha mastactva», «Tvorčaja majsternia», «Robatatechnika», «Vakalny hurtok». 

Taksama jość hrupa dla dziaciej z asablivaściami raźvićcia, baćkoŭski kłub, moŭnyja kursy dla darosłych.

Malunak vučnia

Navučańnie ŭ škole biaspłatnaje. 

«U hrupie dla niejra-atypovych dziaciej pracuje psichołah, jakija zajmajecca ź imi inkluziŭnaj adukacyjaj. U baćkoŭskim kłubie taksama jość psichołah, jaki adkazvaje na pytańni pa vychavańni dziaciej. Naprykład, pra toje, jak raścić dzicia ŭ epochu fieminizmu, jak razmaŭlać ź dziećmi pra vajnu», — kaža Paŭlina.

Usiaho ŭ hurtkach zaraz zajmajucca 83 vučni. Vykładčykaŭ — 12. 

«Cikava, što ŭ nas čaściakom byvajuć ekskursii. Naprykład, padletkaŭ, jakija vyvučajuć hrafičny dyzajn paviadziem u Wargaming. 

Kali dzicia 3 hady, to, kab jano vučyła biełaruskuju movu, my prapanoŭvajem razam z nastaŭnikam čytać kazki i hulać z novymi słovami. Taki fajny sposab pryvivańnia rodnaj movy.

Dla bolš darosłych dziaciej pačynajucca kursy surjoźniejšyja. Naprykład, dla padletkaŭ jość biełarusaznaŭstva.

Šmat chto z baćkoŭ skardzicca, što padletkaŭ składana čymści zacikavić. Na hetym kursie jany raźniavolvajucca. Płanujecca taksama zrabić kurs dla padletkaŭ pra miedyjahramatnaść. 

Taksama płanujem stvaryć hurtok na niekalki miesiacaŭ pa vyvučeńni žyćcia i dziejnaści Francyska Skaryny. U budučyni marym adnavić skaŭctva», — raskazvaje Maryna Abramovič, mieniedžarka prajekta. 

Malunak vučnia

Z 2020-ha ŭ Litvu pierajechała šmat biełaruskich siemjaŭ ź dziećmi. U suviazi z hetym źjaviłasia ideja hurtkoŭ dla intehracyi ŭ novaj krainie. 

U hurtkach vykładajuć nastaŭniki, jakija ź niejkich pryčyn byli vymušany źjechać ź Biełarusi. 

«Naprykład, jość nastaŭnik anhlijskaj movy, jaki pracavaŭ vałancioram u Afrycy, chareohraf — byłaja balaryna, — raskazvaje Maryna. —

Niekalki fondaŭ zachapilisia našaj idejaj, tamu adukacyja moža być bieskaštoŭnaj. Ale vykładčyki za svaju pracu, kaniečnie, atrymlivajuć peŭny zarobak. Praca mahčymaja za košt našych sponsaraŭ: Civil Society For Belarus, Beehive. Taksama my vielmi ŭdziačnyja za dapamohu Departamentu nacyjanalnych mieńšaściaŭ Litvy, Biełaruskamu domu pravoŭ čałavieka imia Barysa Zvoskaha i Polskamu instytutu ŭ Litvie». 

Praviły hurtkoŭ

Zaniatki prachodziać u vychodnyja. 

«My zrabili apytanku siarod baćkoŭ, jany prasili, kab heta byli subota i niadziela. U vychodnyja tut možna pakinuć dzicia na niejki čas i zaniacca svaimi spravami. Jość, naprykład, vypadki, kali žančyna adna pryjazdžaje ź dziciem u Litvu i joj treba niedzie pakinuć małoha, kab vyrašyć svaje pytańni. 

Ciapier my pracujem nad atrymańniem statusu litoŭskaj instytucyi niefarmalnaj adukacyi. Spadziajemsia, što heta adkryje nam novyja mahčymaści», — padsumoŭvajuć ŭ «Škołcy». 

Bolš infarmacyi pra škołu na sajcie.

Čytajcie taksama: 

Ab prezumpcyi pryjemnaści, pierajeździe ŭ Madryd i asabistaj baraćbie z botami. Vialikaja razmova ź Mikitam Moničam

«Dobra nam było b, kali dynazaŭraŭ raźviali b…» Novy multvierš Andreja Skurko

«Skarbonka hulniaŭ»: nastaŭnica stvaryła paŭsotni nastołak pa-biełarusku dla dziaciej i darosłych

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ28

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

Les jak nažom zrezała. Nastupstvy niepahadzi ŭ Minskim rajonie FOTA1

Na aŭkcyjonie ŭ Francyi pradali nošanuju škarpetku Majkła Džeksana2

Dziesiać łajfchakaŭ, jak palepšyć pracu pralnaj mašyny i lepš admyvać rečy6

Niekalki śviedkaŭ kažuć, što bieśpiłotnikaŭ na Minsk lacieła dva13

U jakija krainy dla biełarusaŭ najbolš darahija turystyčnyja vizy? Lidar niečakany2

Indyjskija daktary padčas padrychtoŭki pacyjentki da apieracyi vyjavili novuju hrupu kryvi

U Japonii paśla ziemlatrusu na bierah vykinuła niekalkich kitoŭ VIDEA1

Na Kamsamolskim voziery ŭ Minsku kancentracyja naftapraduktaŭ bolšaja za dapuščalnuju ŭ 4,2 raza3

Ci možna pravasłaŭnamu dasyłać dykpiki? «Kali jana sama prosić»11

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ28

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić