Rasijskija vojski całkam abiastočyli Zaparožskuju atamnuju elektrastancyju. Sistemy žyćciezabieśpiačeńnia AES siłkujucca ad dyziel-hienierataraŭ. Pra heta sa spasyłkaj na NAEK «Enierhaatam» pieradaje «Ukrinfarm».
Pavodle infarmacyi ŭkrainskaha «Enierhaatama», z-za abstrełu rasijskimi vojskami paškodžanyja i adklučanyja linii suviazi Zaparožskaj AES z enierhasistemaj.
«Siońnia nočču ŭ 00:59 z-za čarhovaha abstrełu rasijskimi vojskami była paškodžanaja i adklučyłasia apošniaja linija suviazi z enierhasistemaj 750kV ZAES — Dniaproŭskaja. U vyniku adbyłosia poŭnaje abiastočvańnie Zaparožskaj AES. U aŭtamatyčnym režymie ŭklučylisia dyziel-hienieratary», — havorycca ŭ paviedamleńni «Enierhaatamu».
U «Enierhaatamie» dadajuć, što najaŭnych zapasaŭ dyzielnaha paliva dla ich pracy ŭ takim režymie chopić na 10 sutak, tamu patrabujecca ramont i adnaŭleńnie pracy linij suviazi ZAES z enierhasistemaj.
U kampanii taksama adznačajuć, što płany ŭklučeńnia enierhabłokaŭ va ŭmovach abstrełaŭ i paškodžańni ŭsich linij nierealnyja.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy73
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary