ŚMI: Ułady zabaranili vyvaz miasnoj i małočnaj pradukcyi bujnych vytvorcaŭ
Ułady Biełarusi ŭviali dla siami bujnych vytvorcaŭ miasa-małočnaha siektara abmiežavańni na vyvaz pradukcyi za miažu. Im časova zabaraniajecca ekspartavać miasa kurycy, stałovyja jajki i małočnuju pradukcyju ŭ Rasiju. Pra heta paviedamlaje «Kommiersant».
U rasparadžeńni vydańnia akazaŭsia list, datavany 5 kastryčnika, u jakim departamient vieterynarnaha i charčovaha nahladu Ministerstva sielskaj haspadarki Biełarusi paviedamlaje ab prypynieńni vydačy vieterynarnych siertyfikataŭ na ekspart dla šerahu miascovych vytvorcaŭ miasa-małočnaha siektara. Rehulatar abhruntoŭvaje heta nieabchodnaściu nasyčeńnia ŭnutranaha rynku pradukcyjaj.
Pad abmiežavańni trapiła pradukcyja «Siervaluks Ahra» (brend «Piatrucha»), Viciebskaj brojlernaj ptuškafabryki (brend «Hanna»), ptuškafabryki «Družba», Baranavickaj ptuškafabryki (vypuskaje jajki pad markaj «Złatko») i 1-j Minskaj ptuškafabryki («Znatnyja»). Siarod vytvorcaŭ małočnaj pradukcyi zabarona na ekspart zakranuła Rahačoŭski i Lepielski kambinaty. Usim hetym kampanijam časova zabaronieny vyvaz pradukcyi, u tym liku i ŭ Rasiju, kaža krynica «Kommiersanta» ŭ halinie.
U ministerstvach sielskaj haspadarki Biełarusi i Rasii, a taksama ŭ kampanijach sa śpisu departamienta na zapyty «Kommiersanta» nie adkazali. Z adkazu Raśsielhasnahladu vynikaje, što rasijski bok pakul nie atrymlivaŭ ad biełaruskaha rehulatara aficyjnych apaviaščeńniaŭ ab zabaronie na vyvaz u RF miasa-małočnaj pradukcyi z krainy.
Zabarona na vyvaz, jak vynikaje, papiaredničała zamarozcy cen u Biełarusi z 6 kastryčnika.
Alaksandr Łukašenka na naradzie ekanamičnaha błoka ŭrada 6 kastryčnika zajaviŭ, što «zabaraniajecca ŭsiaki rost cen».
Pavodle «Kommiersanta», Biełaruś uvozić u RF 120-140 tys. ton miasa ptuški na hod. Pastaŭki na rasijski rynak z krainy mohuć skaracicca na 30 tys. ton da kanca 2022 hoda. Krynicy vydańnia nie vyklučajuć rost na rasijskim rynku cen u suviazi z hetym.
Napiaredadni ŭłady abiacali, što deficytu pradukcyi ŭ Biełarusi ŭ suviazi z zamarozkaj cen nie budzie.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary