Spravu Danuty Pieradnia, asudžanaj da 6,5 hadoŭ kałonii, buduć razhladać pa-novamu
U Mahiloŭskim abłasnym sudzie 21 listapada ŭ paradku pieršaj instancyi budzie razhledžana sprava suprać 20-hadovaj studentki Danuty Pieradnia pa tych ža artykułach Kryminalnaha kodeksa (č. 3 art. 361, č. 1 art. 368), pa jakich jaje ŭžo asudzili 4 lipienia ŭ sudzie Kiraŭskaha rajona da 6,5 hadoŭ kałonii.
Jurysty «Viasny» adznačajuć, što kryminalnaja sprava suprać Danuty nie była padsudna rajonnamu sudu, tamu sud Kiraŭskaha rajona nie moh razhladać jaje — heta parušeńnie zakanadaŭstva.
Nahadajem, u vinu dziaŭčynie pastavili toje, što jana 27 lutaha pierapościła ŭ adzin z mahiloŭskich čataŭ tekst, u jakim u rezkaj formie krytykavalisia dziejańni Pucina i Łukašenki pa raźviazvańni vajny va Ukrainie. Taksama tam utrymlivaŭsia zaklik da vuličnych vystupleńniaŭ i kanstatavałasia adsutnaść pierśpiektyŭ u biełaruskaj armii ŭ vypadku jaje pramoha ŭstupleńnia ŭ vajnu.
Nahadajem, Danuta była zatrymana 28 lutaha 2022 hoda, kali pryjechała na maršrutcy z Kiraŭska ŭ Mahiloŭ. Suprać dziaŭčyny była zaviedziena kryminalnaja sprava pa art. 361 KK (Zakliki da dziejańniaŭ, nakiravanych na pryčynieńnie škody nacyjanalnaj biaśpiecy) i art. 368 KK (abraza Łukašenki).
Danuta — studentka-vydatnica. Vučyłasia na ramana-hiermanskaj fiłałohii ŭ Mahiloŭskim dziaržaŭnym univiersitecie imia Kulašova, adkul jaje adličyli paśla zatrymańnia ŭ lutym 2022 h.
10 červienia 2022 hoda KDB dadaŭ jaje ŭ śpis «asob, jakija majuć dačynieńnie da terarystyčnaj dziejnaści».
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary