Homielskaje PA «Kryštal» — kirujučaja kampanija chołdynha «Kryštal-chołdynh» — pa zamovie Minfina naładziła vypusk miernych źlitkaŭ z zołata naminałam 5 i 10 h. I pry hetym supravadžaje novuju pradukcyju siertyfikatami, paviedamlaje Office Life.
Taksama pradpryjemstva płanuje asvoić u najbližejšy čas vypusk miernych źlitkaŭ z zołata naminałam 1-, 20-, 50— i 100-hramovych załatych miernych źlitkaŭ.
Biełaruskija juvieliry asvoili vypusk novaj pradukcyi, vykonvajučy pastanovu Nacbanka i Minfina «Ab paradku ździajśnieńnia apieracyj i raźlikaŭ ź miernymi źlitkami i kaštoŭnymi kamianiami (dyjamientami)».
Technałohiju vyrabu miernych źlitkaŭ homielskamu VA «Kryštal» pieradaŭ adzin z manietnych dvaroŭ sistemy Dziaržznaka Rasii.
U červieni Minfin zajaŭlaŭ, što vyvučyŭ rasijski vopyt vykarystańnia manietarnaha zołata ŭ apieracyjach i vyrašyŭ prapanavać biznesu i nasielnictvu kuplu miernych źlitkaŭ, vyrablenych u Biełarusi.
Ciapier Minfin padklučyŭsia da prodažu biznesu miernych źlitkaŭ zołata ź Dziaržaŭnaha fondu kaštoŭnych mietałaŭ i kaštoŭnych kamianioŭ. Rehulatar pradaje źlitki bankam i niabankaŭskim kredytna-finansavym arhanizacyjam pa ich zajaŭkach. Ceny Minfin vyznačaje samastojna.
Nasielnictvu pradajuć załatyja źlitki biełaruskaj vytvorčaści kampanii «Bieluvielirhandal» i «Homielskaje VA «Kryštal».
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary