Litaratura

Biełaruski śled Hijoma Apalinera. Novaje VIDEA na kanale Andreja Chadanoviča

Hieroj novaha videa paeta i litaraturaznaŭcy Andreja Chadanoviča — adzin z samych značnych paetaŭ XX stahodździa Hijom Apaliner, jaki maje biełaruskaje pachodžańnie.

U vypusku raskazvajecca:

  • jakija padziei vymusili svajakoŭ Apalinera pakinuć Biełaruś;

  • jakaja detektyŭnaja historyja złučaje Apalinera i Pikasa, i pryčym tut skradzienaja z Łuŭra Džakonda;

  • jaki biełaruski litaratar — svajak Apalinera;

  • Apaliner i jaho adnosiny z erotykaj i parnahrafijaj: što heta było?!;

  • jak francuzski paet źjaviŭsia ŭ vieršach Baradulina i pryčym tut ałkahol;

  • što heta za bar u Minsku, kaktejli ŭ jakim adsyłali da tvorčaści Apalinera, i za što jaho zakryli.

Voś niekalki dumak z novaha videa.

Amal detektyŭnaja historyja złučaje paeta z Pabłam Pikasa. Jak heta było? Sumnieŭnyja siabry, jakija zajmalisia pierakupkaj šedeŭraŭ, što źnikali z Łuŭra i źjaŭlalisia na čornym rynku. Kažuć, dapatopnyja paliniezijskija statuetki takim čynam traplali da Pikasa. Tak ci inakš, u 1919 hodzie ŭ Paryžy vybuchnuŭ skandał — z Łuŭra źnikła znakamitaja Džakonda, i padazreńni, dziakujučy hetamu kołu znajomstva, padajuć na Apalinera, jakoha zatrymlivajuć i trymajuć u turmie, dzie jon pravodzić niapoŭny tydzień, ale adlustroŭvaje heta ŭ cykle turemnaj liryki.

Što takoje kalihramy? Słova vynajšaŭ Apaliner, choć źjava staraja, jakaja raniej nazyvałasia «fihurnymi vieršami». Heta vierš, jaki pišacca na arkušy papiery tak, što ŭtvaraje malunak. Naš słavuty prodak Simiaon Połacki lubiŭ hety pryjom, a Apaliner staroje zabytaje zrabiŭ znakam sučasnaści. Ejfieleva vieža, jakaja prosta namalavanaja ŭ jaho paetyčnymi radkami, koń, albo kasy doždž, albo najskładaniejšaja kalihrama «Zarezanaja hałubka i fantan» — vierš pamiaci zahinułych pryjacielaŭ dziacinstva i maładości. Vy paznajecie i fantan, i hałubku, ale pry hetym tekst taksama sam baronicca, jaho možna drukavać nie ŭ kalihrafičnym vyhladzie, i heta budzie dobraj francuzskaj paezijaj.

Fotazdymki z zabintavanym Apalineram, a taksama viadomyja partrety Pikasa zrabilisia važnym miescam u kultury, u tym liku i biełaruskaj, u vieršy narodnaha paeta Ryhora Baradulina, jaki naviedaŭ Paryž i stvaryŭ karotkuju humarystyčnuju minijaciuru «Paryžskaje pachmielle». Ałkahol — samaja važnaja nazva ŭ tvorčaści Apalinera, nazva hałoŭnaj jaho knihi. Aproč banalnaha pjanstva, Apaliner maje na ŭvazie apjanieńnie žyćciom, radaść žyćcia, da sustrečy ź jakim jon hatovy i tamu pje ŭzachlob.

Hijom Apaliner natchniaje na adkryćci i pieraadolvaje miežy, što vielmi važna dla nas u siońniašnija ciažkija časy, tamu hladzim novaje videa Andreja Chadanoviča, stavim padabajki, kamientujem i dzielimsia ź siabrami i siabroŭkami.

Hladzicie taksama:

«Kamaroŭka bandytaŭ, bahiema i stračanaje pakaleńnie, jaŭrei i zabojca Kienedzi: top-7 knih pra Miensk i Minsk». Novaje videa na kanale Andreja Chadanoviča 

«Eliza Ažeška i jaje recepty jadnańnia dla biełarusaŭ». Novaje videa na kanale Andreja Chadanoviča 

«Da svabody hetak blizka…» Novaje videa na kanale Andreja Chadanoviča

Kamientary

Ciapier čytajuć

Maštabny zboj u troch biełaruskich bankach: z rachunkaŭ źnikajuć hrošy6

Maštabny zboj u troch biełaruskich bankach: z rachunkaŭ źnikajuć hrošy

Usie naviny →
Usie naviny

Vaskrasienski: Adkryvajecca nieba — i Aleś Bialacki adrazu vychodzić43

Da čempijanatu śvietu pa fiechtavańni dapuścili navat «niejtralnych» rasijskich aficeraŭ3

Samuju darahuju minskuju kvateru ŭ červieni kupili ŭ «Domie Čyža»4

Biełarusam paabiacali pakazać pa telebačańni Lihu čempijonaŭ3

Sabalenka vyjšła ŭ paŭfinał Uimbłdona, ledź nie asaromiŭšysia ŭ matčy sa 104-j rakietkaj śvietu2

Bratu Ihara Łosika vynieśli prysud pa spravie «Biełaruskaha Hajuna»1

Sabalenka stanie druhoj u historyi tenisistkaj, jakaja nabrała bolš za 12 000 rejtynhavych bałaŭ5

Knyrovič raskazaŭ, čamu były dyrektar aršanskich zavodaŭ paśla vyzvaleńnia pajšoŭ vajavać za Rasiju, dzie i zahinuŭ12

Hiermanija zajaviła pra łaziernuju ataku Kitaja na jaje samalot u Čyrvonym mory1

bolš čytanych navin
bolš łajkanych navin

Maštabny zboj u troch biełaruskich bankach: z rachunkaŭ źnikajuć hrošy6

Maštabny zboj u troch biełaruskich bankach: z rachunkaŭ źnikajuć hrošy

Hałoŭnaje
Usie naviny →

Zaŭvaha:

 

 

 

 

Zakryć Paviedamić