Siarhiej Mańko ŭznačaliŭ zavod z 19 kastryčnika.
Dahetul Mańko pracavaŭ na Asipovickim zavodzie aŭtamabilnych ahrehataŭ namieśnikam dyrektara pa markietynhu i kamiercyjnych pytańniach. Jamu 36 hod.
Ładućka straciŭ pasadu paśla raznosu Łukašenki — padčas vizitu palityka na zavod jamu prademanstravali matacykł «svajho dyzajnu», jaki akazaŭsia francuzskim matacykłam, sabranym u Kitai.
Łukašenka tady zajaviŭ, što choča pryznačyć na motaviełazavod maładoha hiendyrektara, a dla Mikałaja Ładućki znajści novuju pasadu.
«Treba šukać maładoha chutkaha dyrektara. A jamu znajści piensijnuju pasadu, ale taksama chamut na šyju. Słuchaj, niaŭžo ty nie razumieješ, u čym pryčyna tut.
Pryčyna ŭ tym, što tut pavolna varušyciesia. A jon [Ładućka] užo nie moža i nie choča. Nu navošta jamu?» — zajaviŭ Łukašenka.
Nie ŭratavała navat videa, dzie Ładućka, publična prynižajučysia, kazaŭ, što krytyka Łukašenki heta «nie krytyka, a baćkoŭskaje słova».
Mikałaj Ładućka ŭznačalvaje motaviełazavod z 2015 hoda, a da taho z 2009-ha pa 2014-ty byŭ staršynioj Minskaha harvykankama. Ciapier jamu 63 hady, jon amal na 5 hadoŭ maładziejšy za Łukašenku.
Kamientary
U nich, očień chorošo połučałsia nieftie-hazovo-tabačno-ałkolno-kalijny schiematoz.
Poetomu, kak sobirali, kitajskimi rukami, francuzskij motocikł, tak i prodołžat.