Navalny: Pryhožyn pryjazdžaŭ vierbavać źniavolenych u jaho kałoniju
Navalny raspavioŭ pra vizit Pryhožyna i viarboŭcy źniavolenych u jaho kałonii. «Ujaŭlajecie, akazvajecca, i da mianie ŭ kałoniju pryjazdžaŭ kuchar Pucina Pryhožyn dla taho, kab vierbavać zekaŭ u svaje bajavyja atrady adjutanta Papandopuły», — napisana ŭ instahramie Navalnaha.
Jak raspaviadaje Navalny sa słoŭ vidavočcy, Pryhožyn prylacieŭ na viertalocie, źniavolenych sabrali na stadyjonie razam z načalstvam. «Skazaŭ: «Ja sam admataŭ 10 hadoŭ, zavu vas stać maimi šturmavikami. Praz paŭhoda kožnamu vypišu pamiłavańnie, u vas piać chvilin na rozdum», — cytuje Pryhožyna śviedka.
Paśla hetaha, ź jahonych słoŭ, čałaviek 80—90 pajšli ŭ budynak administracyi afarmlacca, a zatym była druhaja chvala viarboŭki.
«I voś ciapier 100% hetaj publiki, zakonapasłuchmianaść jakoj my tak adčajna chočam pavysić, dakładna viedaje: nijakaha zakona niama, nijakich sudoŭ niama, niama nijakich praviłaŭ. <…> Pa ščaŭčku palcami, litaralna na praciahu sutak, zabojcaŭ i rabaŭnikoŭ ź vializnymi terminami vyzvalaje nijaki nie sud i navat nie Pucin, a łysy čałaviečak, jaki pryjazdžaje na zony z historyjaj pra toje, jak jon «taptaŭ 10 hadoŭ», — napisaŭ Navalny.
Navalny adbyvaje termin u kałonii strohaha režymu VK-6 va Uładzimirskaj vobłaści.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary