Paŭnočnaja Kareja abvierhła paviedamleńni pra toje, što jana pastaŭlaje bojeprypasy Rasii.
«Iłžyvaje paviedamleńnie japonskich ŚMI pra toje, što KNDR prapanoŭvała bojeprypasy Rasii, — heta absurdny manieŭr, jaki nie zasłuhoŭvaje jakich-niebudź kamientaroŭ abo tłumačeńniaŭ», — zajavili ŭ paŭnočnakarejskim MZS.
Raniej japonskaja hazieta Tokyo Shimbun paviedamiła, što ŭ listapadzie Paŭnočnaja Kareja adpraviła ŭ Rasieju bojeprypasy, u tym liku artyleryjskija snarady. Pa danych haziety, u nastupnyja tydni čakajucca i inšyja pastaŭki ŭzbrajeńnia z KNDR u Rasiju.
Dziarždepartament ZŠA raniej zajaŭlaŭ, što Paŭnočnaja Kareja pastaŭlaje ŭzbrajeńnie, u pryvatnaści, rasijskaj PVK Vahniera. ZŠA taksama majuć namier inicyjavać na placoŭcy Rady Biaśpieki AAN abmierkavańnie pytańnia ab paŭnočnakarejskich pastaŭkach u Rasiju.
«Złučanyja Štaty paćviardžajuć, što KNDR zaviaršyła pieršapačatkovuju pastaŭku zbroi rasijskaj pryvatnaj vajskovaj kampanii, viadomaj jak «Vahnier» […] U minułym miesiacy KNDR pastaviła ŭ Rasiju dla «Vahniera» hranatamioty i rakiety […] Pavodle našaj acenki, hety abjom pastavak «Vahnieru» nie źmienić stanovišča na poli boju va Ukrainie, ale my zaniepakojenyja tym, što KNDR płanuje praciahvać vajskovyja pastaŭki «Vahnieru», — havorycca ŭ zajavie ambasadara ZŠA ŭ AAN Lindy Tomas-Hrynfiłd.
Pa słovach pasła, zakupki Rasijaj ŭzbrajeńnia ŭ KNDR źjaŭlajucca parušeńniem rezalucyj AAN ab sankcyjach suprać Paŭnočnaj Karei.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary