Hramadstva1010

Lilija Ananič patłumačyła, chto budzie prymać kančatkovaje rašeńnie i jak buduć pazbaŭlać hramadzianstva

Abnoŭleny zakon ab hramadzianstvie ŭ pieršuju čarhu nakiravany na «ŭmacavańnie nacyjanalnaj biaśpieki dziaržavy», zajaviła «Sputniku» namieśnik staršyni kamisii pa pravach čałavieka, nacadnosinach i ŚMI Pałaty pradstaŭnikoŭ Lilija Ananič. Jana źjaŭlajecca raspracoŭščykam hetaha prajekta zakona i mienavita jana pradstaŭlała jaho ŭ Avalnaj zale.

Fota: BiełTA

Siońnia zakon byŭ apublikavany na Nacyjanalnym pravavym partale. Jak paviedamlałasia, asnoŭnyja jaho artykuły ŭstupajuć u siłu praz paŭhoda paśla apublikavańnia dakumienta.

«Kančatkovaje rašeńnie pa pytańni pazbaŭleńnia hramadzianstva prymajecca Łukašenkam», — patłumačyła Ananič, adkazvajučy na pytańnie ab tym, jaki praduhledžany miechanizm straty biełaruskaha hramadzianstva dla tych, chto źjechaŭ z krainy.

Pa jaje słovach, u abnoŭlenym zakonie havorka nie idzie pra toje, što hramadzianin, u dačynieńni da jakoha ŭstupiŭ u zakonnuju siłu pryhavor suda, aŭtamatyčna pazbaŭlajecca hramadzianstva. U krainie jość zaćvierdžany paradak jak pazbaŭleńnia hramadzianstva, tak i jaho nabyćcia.

Namieśnik kiraŭnika parłamienckaj kamisii nahadała, što ŭ zakonie jość pieralik artykułaŭ Kryminalnaha kodeksa, jakija praduhledžvajuć kryminalnuju adkaznaść za ŭčynieńnie złačynstva terarystyčnaj i ekstremisckaj nakiravanaści, a taksama za złačynstvy suprać intaresaŭ dziaržavy i nacyjanalnaj biaśpieki.

«Pazbaŭleńnie hramadzianstva — heta nie pakarańnie za ździejśnienyja złačynstvy, nazvanyja ŭ zakonie. Pakarańnie praduhledžvaje rašeńnie suda, jakoje ŭstupiła ŭ zakonnuju siłu. Samo pazbaŭleńnie hramadzianstva — heta nie dadatkovaje pakarańnie, heta faktyčnaje paćviardžeńnie straty suviazi hramadzianina ź dziaržavaj», — skazała Ananič.

Pavodle jaje, hetaja norma tyčycca čałavieka, jaki znachodzicca za miežami Biełarusi i ŭ dačynieńni da jakoha vyniesieny prysud ab «učynienym złačynstvie ekstremisckaj nakiravanaści».

Ananič udakładniła, što pieršapačatkova pytańnie ab pazbaŭleńni hramadzianstva razhladaje kamisija pa hramadzianstvie, ale kančatkovaje rašeńnie prymaje Łukašenka.

«Hramadzianstva — ustojlivaja pravavaja suviaź hramadzianina i dziaržavy, jakaja praduhledžvaje pravy, abaviazki i adkaznaść. I ludzi, jakija apynulisia za miažoj pa svajoj voli, prynieśli ciažkuju škodu našaj krainie i praciahvajuć joj škodzić, pavinny nieści adkaznaść za svaje dziejańni», — padsumavała Ananič.

Kamientary10

  • Sviniačyč
    10.01.2023
    3% budzie pazbaulena hramadzianstva.
  • Abu
    10.01.2023
    Pravdorub , inahda (nikahda) nie da kanstytucyj 
  • daviedka
    10.01.2023
    HUŁAH — hosudarstvo upravlajemoje Łukašienko Aleksandrom Hrihoŕjevičiem.

Ciapier čytajuć

Na vajnie va Ukrainie zahinuŭ były dyrektar dvuch aršanskich zavodaŭ4

Na vajnie va Ukrainie zahinuŭ były dyrektar dvuch aršanskich zavodaŭ

Usie naviny →
Usie naviny

Siarhiej Cichanoŭski pryjedzie na fest «Tutaka» na Padlaššy10

Bild publikuje «sakretny śpis» zbroi, jakuju Ukraina prosić u Hiermanii6

U 2026 hodzie biełarusy buduć adpačyvać mieniej, čym u hetym hodzie

Cichanoŭskaja — Trampu: Łukašenku treba pakarać, a nie zaachvočvać40

Pažar u Puchavickim rajonie, dzie zahinuli ŭnučka i babula, byŭ vyklikany padpałam1

Biełarus znajšoŭ redkuju manietu. Za jaje dajuć užo 18 tysiač rubloŭ, ale tarhi praciahvajucca6

22-hadovy kalinoviec Cichan «Franc» Klukač atrymaŭ kantuziju3

25 hadoŭ tamu byŭ vykradzieny teleapieratar Dźmitryj Zavadski1

U Viciebsku asvoili budaŭnictva techničnaha fłota: zrabili ŭłasny ciepłachod4

bolš čytanych navin
bolš łajkanych navin

Na vajnie va Ukrainie zahinuŭ były dyrektar dvuch aršanskich zavodaŭ4

Na vajnie va Ukrainie zahinuŭ były dyrektar dvuch aršanskich zavodaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić