Biełaruskaja ambasada ŭ Bierlinie admoviła ŭ konsulskaj padtrymcy hramadzianinu, jaki pracavaŭ u Hiermanii i tam pamior

Pavodle Sadoŭskaha, fakt admovy akazać abaviazkovuju konsulskuju dapamohu svajmu hramadzianinu vynikaje z palicejskaha pratakoła i daviedki pra fakt śmierci. Pavodle ich, hramadzianin Biełarusi N. (proźvišča nie nazyvajecca z etyčnych mierkavańniaŭ) byŭ znojdzieny miortvym u svaim pakoi ŭ sumiesna arandavanaj kvatery susiedam, jaki viarnuŭsia paśla navahodnich śviatkavańniaŭ 2 studzienia 2023 hoda. Hety čałaviek patelefanavaŭ u palicyju i paviedamiŭ, što zdaryłasia.

Słužboŭcy pa spravach nadzvyčajnych zdareńniaŭ (u FRH heta pažarnaja słužba ź miedekśpiertam) praviali makraskapičnyja pracedury i kanstatavali fakt śmierci čałavieka biez mahčymaści sfarmulavać pryčynu, jakaja da jaje pryviała.

Paśla taho, jak heta praduhledžana mižnarodnymi pahadnieńniami ab akazańni konsulskich pasłuh, da jakich Respublika Biełaruś dałučyłasia jašče na pačatku 1990-ch hadoŭ, palicyja źviazałasia z konsulskim adździełam ambasady Biełarusi z metaj atrymańnia konsulskaj padtrymki (prysutnaść pry ahladzie dakumientaŭ, vyśviatleńnie ŭzajemadačynieńniaŭ z pracadaŭcam, najaŭnaść kredytnych i bankaŭskich kartak, hrošaj, majomaści, praces apiačatvańnia žytła, składańnie pratakoła, mahčymaja apłata pieršasnych dziejańniaŭ u praviadzieńni mikraekśpiertyzy, transpartavańnie niabožčyka na małuju adlehłaść i h. d.).

Ambasada, pavodle śviedčańnia svajakoŭ niabožčyka, kateharyčna admoviłasia vykonvać svaje słužbovyja abaviazki. U vyniku niabožčyk znachodziŭsia ŭ morhu z poźniaha viečara (23:59) 2-ha da 11-ha studzienia (9 hadzin ranicy), kali ŭ morhu instytuta było zroblena miedycynskaje zaklučeńnie biez praviadzieńnia ŭskryćcia cieła, dzie kanstatavałasia niajasnaść pryčyny śmierci.

Usie niemałyja vydatki panieśli svajaki pamierłaha, apłaciŭšy pryvatnaj biełaruskaj firmie za pieravozku niabožčyka dy inšyja farmalnaści. Aŭtapsija była praviedziena tolki praź niekalki dzion i vypisana adpaviedna novaje patołahaanatamičnaje zaklučeńnie. Pachavańnie pa miescy žycharstva ŭ Biełarusi adbyłosia tolki 19 studzienia. Z dnia śmierci da pachavańnia prajšło 17 dzion. Dahetul sprava da kanca nie vyśvietlenaja i nie skončanaja.

Abyjakavyja adnosiny biełaruskaj konsulskaj słužby da svaich abaviazkaŭ, śćviardžaje Piotra Sadoŭski, nakłali svoj adbitak i na dziejańni niamieckaha boku.

Pavodle jaho, pieršaja daviedka pra śmierć i makraekśpiertyza (da praviadzieńnia aŭtapsii) aformlenyja z parušeńniami instrukcyi. Pavodle jaje, usie zapisy ŭ rubrykach pavinny ŭnosicca razborliva błokšryftam, u toj čas jak u niamieckim aryhinale pratakoła ahladu cieła niabožčyka śpiecyjalistami słužby nadzvyčajnych situacyj jość niekalki zusim niečytelna nakremzanych słoŭ, jakija nie mahli rasšyfravać navat nośbity movy.

Svajaki niabožčyka buduć źviartacca ŭ MZS z adpaviednaj zajavaj, Piotra Sadoŭski, karystajučysia svaim pravam jak ambasadar u adstaŭcy, taksama maje namier źviarnucca ŭ biełaruskaje MZS z adpaviednym zapytam. 

Čytajcie taksama:

«Bieź biełaruskich pašpartoŭ jany pačnuć źviareć i padnimuć Cichanoŭskuju na viły». Dziela čaho Łukašenka pazbaŭlaje «biehłych» hramadzianstva

• 6
• 0
• 4
• 18
• 4
• 7
• 62
• 0