Hramadstva55

Łukašenka: DRŁA A-50 atrymaŭ «drapiny i adnu praboinu ŭ korpusie»

Alaksandr Łukašenka pryznaŭ, što rasijski samalot-raźviedčyk DRŁA A-50 atrymaŭ paškodžańni ŭ vyniku ataki na jaho na aeradromie ŭ Mačuliščach. Raniej dziaržaŭnyja ŚMI dzieviać dzion nazyvali infarmacyju pra dyviersiju fejkam.

Bajpoł ataka na rośsijskij samolet na aerodromie Mačuliŝi, Biełaruś, miesto povrieždienija
Miescy, dzie byŭ paškodžany rasijski samalot-raźviedčyk. Schiema: «Bajpoł»

Alaksandr Łukašenka zajaviŭ, što paškodžańni niaznačnyja.

«Na ščaście, samalot nie źviedaŭ niejkich značnych paškodžańniaŭ, akramia, jak jany kažuć, drapin i adnoj praboiny ŭ korpusie, jakaja vajskovamu samalotu nie pieraškadžaje vykonvać jaho abaviazki», — skazaŭ Alaksandr Łukašenka, pavodle jaho pres-słužby.

Raniej biełaruskija dziaržaŭnyja ŚMI nazyvali incydent na aeradromie z rasijskim samalotam A-50 fejkam, admaŭlali, što ź im niešta zdaryłasia.

Łukašenka zajaviŭ, što «niahledziačy na zachavańnie samalotam zdolnaści vykonvać zadačy, jon paprasiŭ rasijan dasłać inšy».

«My vam pakazvali hety samalot. Jak mnie paviedamili, jon navat prezidenta sustrakaŭ, kali ja viartaŭsia ź Piekina.

Tym nie mienš, my paprasili rasijan, kab jany ŭziali hety samalot na absłuhoŭvańnie i dasłali nam inšy. Tak i adbyłosia», — skazaŭ jon.

Nasamreč, nijaki novy samalot dalniaj raźviedki anałahičnaha typu ŭ Biełarusi naziralniki pakul nie adznačali.

Na minułym tydni samalot A-50 vylecieŭ na ramont na Tahanrohski zavod i nie viarnuŭsia, choć dziaržaŭnyja ŚMI ŭ toj dzień zajaŭlali, što samalot ažyćciaŭlaje ablot terytoryi Biełarusi i vykonvaje bajavyja zadačy. 

Jak śćviardžajuć vajskovyja ekśpierty, samalot A-50 vykarystoŭvaŭsia dla naviadzieńnia na celi va Ukrainie rasijskich rakiet i dronaŭ.

Pa słovach Łukašenki, pry padrychtoŭcy «terakta» vykarystoŭvalisia «samyja vysokija technałohii». «Heta sapraŭdy było štości nievierahodnaje», — skazaŭ jon.

I panarakaŭ, što abrali mały bieśpiłotnik:

«Tamu što, kali b jany vykarystoŭvali vialiki, to sistemy našaha sačeńnia, viadoma, jaho b adsačyli. Va Ukrainie byli zadziejničanyja hetyja dva bieśpiłotniki, navučany hety čałaviek i inšyja, jakija jamu dapamahali. Pra heta my raskažam vam potym».

Alaksandr Łukašenka niaredka abiacaje raskazać «paśla», i što «budzie vielmi cikava», ale najčaściej za hetymi słovami niama nijakaha praciahu.

Na videa, jakija publikavaŭ «Bajpoł», da A-50 padlataŭ samy zvyčajny kamiercyjny dron kitajskaj vytvorčaści.

Sama dyviersija zdaryłasia 26 lutaha. «Bajpoł» uziaŭ adkaznaść za jaje na siabie, zajaviŭšy, što biełarusy z dapamohaj dvuch dronaŭ paškodzili samalot. Śćviardžałasia, što vykanaŭcy paśpiachova zdoleli pakinuć terytoryju Biełarusi. «Bajpoł» apublikavaŭ taksama dva videa, na jakich bačna, jak dron prylataŭ na raźviedku i siadaŭ na A-50, ale videa samoj ataki nie było.

Krynicy «Našaj Nivy» i pravaabaroncy paviedamlali pra masavyja randomnyja zatrymańni i pieratrusy ŭ rajonie Mačuliščaŭ, a taksama siarod strajkbalistaŭ, rekanstruktaraŭ i strałkoŭ.

Kamientary5

  • Chtotaurot
    07.03.2023
    A začiem i počiemu, tohda, usochli ZVR Biełarusi na 370 młrd. dołłarov ? Akkurat na cienu novoho A50...
  • Upravlajuŝij Sieviero-Zapadnym napravlenijem
    07.03.2023
    Połučił proboinu v hołovu! A v ostalnom ,priekrasnaja markiza ,vsio chorošo, vsio chorošo
  • Tru
    07.03.2023
    Zarieva ot podhoranija u łukašistov dažie było vidno iz Vilni s hory Hiedymina.

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Stała viadoma, u jakich abłaściach najbolš IP i jurasob, a dzie ich najbolš zakryłasia

«U palitycy była sprava». Łukašenka vyśvietliŭ, čamu biełarusam nie chapiła bulby17

Pijanier biełaruskaha IT-aŭtsorsinhu vyras u Polščy ŭ 2,5 razy3

«Voś zaraz zamirymsia. Nivodnaha strełu. I? Voś heta katastrofa. Tamu što da hetaha nie hatovyja» — Vieniadziktaŭ8

Łukašenka na naradzie pra kino: Biez vas my možam abyścisia. Vas niama11

56-hadovuju viciablanku buduć sudzić za pornastrymy ŭ internecie10

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić