U kožnaha čałavieka isnuje roźnica pamiž jaho bijałahičnym uzrostam i ŭzrostam psichałahičnym. Jak zrabić tak, kab my adčuvali siabie maładziejšymi za svaich adnahodkaŭ?
Daśledavańni pakazvajuć, što adčuvańnie siabie maładziejšym za svoj fizičny ŭzrost stvaraje abarončaje siłavoje pole ad stresu, stanoŭča ŭpłyvaje na pavodziny i dapamahaje zachavać psichałahičny i fizičny dabrabyt.
Viadoma, što mnohaje zaležyć ad tempieramientu, charaktaru, psichičnaj ustojlivaści. Ale jość pryjomy, jakija niezaležna ad našych psichałahičnych ułaścivaściej dapamohuć adčuvać siabie značna lepš.
Adzin z važnych faktaraŭ — heta sacyjalnaja aktyŭnaść. Siabry i dobryja znajomyja, sustrečy, prahułki, pachody ŭ kramu, padarožžy, uzajemapadtrymka pavyšajuć pačućcie sacyjalnaj uklučanaści, značna źnižajuć ryzyku ŭźniknieńnia depresii.
Akramia pravilnaha charčavańnia i fizičnaj aktyŭnaści, važnaje značeńnie ŭ pracesie zapavolvańnia stareńnia adyhryvaje źmiena zvyčak. Vychad z «zony kamfortu» dapamoža aktyvizavać razumovuju dziejnaść, tamu važna pieryjadyčna zajmacca niečym novym dla siabie — naprykład, avałodvać novym ramiastvom, pačać vyvučać movy ci hulać u novyja nastolnyja hulni.
Prapanujem niekalki pryjomaŭ, jakija pry rehularnym prymianieńni aktyvizujuć mazhavuju aktyŭnaść i ŭpłyvajuć na vaš psichałahičny stan.
Pasprabujcie źmianić svaju hałoŭnuju ruku
Kali vy ŭvieś čas karystajeciesia pravaj rukoj, to pierakładzicie łyžku ŭ levuju, trymajcie joj kubak z napojem, pasprabujcie karystacca myškaj pry pracy za kamjutaram ci navučyciesia pisać levaj rukoj.
Bolš hulajcie
Dla prahułak starajciesia vybirać novyja maršruty, naviedvać kutočki, dzie daŭno nie byli. Pry hetym adznačajcie źmieny, što adbylisia vakoł, i starajciesia zaŭvažać cikavyja detali.
Trenirujcie pamiać
Starajciesia zapaminać śpis taho, što treba kupić, i źviartacca da jaho tolki ŭ krajnim vypadku. Uspaminajcie minułyja padziei, sustrečy, abstaviny, vyhlad miesca, emocyi. Pa mahčymaści dzialiciesia ŭspaminami ź inšymi. Pačnicie vieści dziońnik, zapisvać padziei dnia, apisvać miescy, što naviedali, sustrečy i kuplenaje.
Pośpiech budzie zaležać ad rehularnaści praktykavańniaŭ. Lepš pačać adrazu, nie adkładvajučy na zaŭtra.
Čytajcie jašče:
Prafiesar Ivan Daniłaŭ: Mnie paviedamili, kab zabraŭ svaje knihi z usich kniharań
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary
Bud́tie «kak dieti», «ibo takovych jesť Carstvije Božije»